Mataupu Fakaopoopo i Te Faleleoleo Maluga

E tokouke a tino talai e fakaaoga ne latou a te JW Library^® ke fakatoka mō fakatasiga, kae fia‵fia latou ki te auala e fakatoka faka‵lei ei ke mafai o fano ‵tonu koe ki mataupu mō sukesukega o Te Faleleoleo Maluga. Kae e isi ne mataupu fakaopoopo i te lōmiga mō Sukesukega o Te Faleleoleo Maluga kolā e maua i ei a mea‵kai faka-te-agaga ‵gali. E mafai pefea o maua ne koe a mataupu konā fakatasi mo mea aoga mai i ei, māfai e fakaaoga te JW Library?

• I te fakaotiga o mataupu mō sukesukega o te Faleleoleo Maluga, e lavea ne koe i ei te ulatala foliki ko te “Additional Reading.” Mai lalo i ei, e mafai o ‵toko ne koe te link ko te “Other articles in this issue.” Onoono ki te fakasologa o mataupu, telā e maua i ei ne koe a matua o mataupu takitasi fakatasi mo olotou napa. ‵Toko i te matua o so se mataupu fakaopoopo telā e manako koe o faitau ki ei.

• I te Itulau Kamata o te JW Library i te vaega ko te “What’s New,” ‵kopi a lōmiga ‵fou takitasi o Te Faleleoleo Maluga māfai ko ‵sae mai. ‵Tala te mekesini telā ne ‵kopi ne koe kae onoono ki te fakasologa o mataupu katoa kolā ka aoga ki a koe.