Manatu Fesoasoani mō Sukesukega
Tauloto Faka‵lei ki “Pese Faka-te-Agaga”
“Kafai ko mafatia au ona ko mafaufauga me ko seai soku aoga, e fakamalosi au ne Ieova e auala i pese mai te Leo Fakasalalau o te JW®.”—Lorraine, Amelika.
A “pese faka-te-agaga” ne fai faeloa pelā me se vaega o te tapuakiga Kelisiano. (Kolose 3:16) Kafai e tauloto faka‵lei koe ki pese konei, e mafai o fesoasoani atu māfai ko seai sau tusi pese io me se tivaisi. Tofotofo aka a manatu fesoasoani konei mai lalo ke fesoasoani atu ke masaua faeloa ne koe a pese konā.
Faitau faka‵lei a pati o pese ke malamalama koe i tena uiga. E faigofie o masaua faeloa ne koe a fakamatalaga māfai e malamalama koe i ei. A pati o ‵tou pese katoa, e aofia i ei ‵tou pese mo pese a tama‵liki, e maua katoa i te jw.org. Fano ki te Library, oti ko fano ei ki Music.
Tusi ki lalo a pati o pese. A te faiga tenā kāti ka fesoasoani atu ke masaua faeloa ne koe a pati.—Teu. 17:18.
Fakaakoako i se leo maluga. Faitau io me usuusu faeloa a te pese.
Tofotofo aka au mea e masaua. Taumafai o fakamasausau a pati e aunoa mo te onoono ki te tusi pese, kae onoono aka me pefea te uke o au mea e masaua.