Genesi

4 Hino Adhamu wakaita zvepamaponde na Evha mukadzi wake, uye mukadziwo wakabata pamwiri. Paakabara Kaini, iyena wakati: “Ndabara mwana we mwanarume no rubetso ra Djehovha.” 2 Nokuhamba ke nguwa, iyena wakabarazve Abheri, hama ya Kaini.

Abheri wakagara muushi we mabira, uye Kaini wakagara murimi. 3 Mumasure me kudarika nguwa, Kaini wakatora zvirimwa zvinganani kuti apase Djehovha hinga cipo. 4 Asi Abheri wakatora matangwe manganani e zvipfuyo zvake, pamwepo no mafuta azvo. Djehovha akapfarira Abheri no cipo cake, 5 asi aazi kupfarira Kaini no cipo cake. Hino Kaini wakagara no shungu uye wakatsukwara. 6 Nge ndaa yazvo, Djehovha akati kuna Kaini: “Ngei iwewe uno shungu uye wakatsukwara? 7 Kana ukaita zvakanaka, inini andizokupfariri here?* Asi kana ukatama kuita zvakanaka, citema ciri pa musuwo pako, uye icona ciri kuda maningi kukukunda; kodi iwewe unozokwanisa here kucikunda?”

8 Pedzepo, Kaini wakati kuna Abheri hama yake: “Ambai ku munda.” Paainga ari ku munda, Kaini wakaponda Abheri hama yake uye wakamuuraya. 9 Nokuhamba ke nguwa, Djehovha akabvunzisa Kaini kuti: “Abheri munukuna wako uri kupi?” Kaini wakadaira kuti: “Andikuzii kaari. Kodi inini ndiri mucengeti we munukuna wangu here?” 10 Hino Mwari akati: “Zvinyi zvawaita? Izwa basi! Ngazi yo munukuna wako iri kundidainzira yecibva mu mataka. 11 Zvino, iwewe watukwa uye wadzingirhwa pa nyika, iyo yakafungura muromo wayo kuti itambire ngazi yo hama yako yakadururhwa nge nyara dzako. 12 Paucarima mataka, awona aazobari zvirimwa.* Iwewe unozogara muherereki uye mutizi we pa nyika.” 13 Hino Kaini wakabvunza Djehovha kuti: “Muphanico we cishaishi cangu wakakura maningi zvekuti andikwanisi kuushingirira. 14 Nyamasi muri kundidzingira pa nyika, uye ndicagara kure no hope yenyu; inini ndicagara muherereki uye mutizi we pa nyika, uye munhu wese unondiona ucandiuraya.” 15 Hino Djehovha akamubvunza kuti: “Nge ndaa yazvo, munhu unouraya Kaini ucahwirinzirhwa kanomwe.”

Ngokudaro, Djehovha akakanda Kaini cipangidzo kuti asazouraiwe nge munhu waacazosongana naye. 16 Nge ndaa yazvo, Kaini wakabuda pamberi pa Djehovha uye wakatanga kugara ku nyika yo Noti, kumabvazuwa ke Edheni.

17 Pedzepo Kaini wakaita zvepamaponde no mukadzi wake, uye mukadzi wake wakabata pamwiri uye wakabara Inoki. Hino iyena wakawaka thaundi uye thaundiro wakaripasa zina ro mwana wake rokuti Inoki. 18 Nokuhamba ke nguwa, Inoki wakabara Iradhi. Iradhi wakabara Mejueri, Mejueri wakabara Metuzaeri, uye Metuzaeri wakabara Rameki.

19 Rameki wakawaka akadzi airi. Wekutanga waizwi Adha, wecipiri waizwi Zira. 20 Adha wakabara Djabhari. Uye Djabhari ndiye wakatanga kugara mu matenda no kucengeta zvipfuyo. 21 Hama yake yaizwi Djubhari. Iyena ndiye wakatanga kuridza rudimbwa* no mutoriro. 22 Zira wakabarawo Tubhari-kaini, uya waigadzira mishobo yese ye midziyo ye kobre no yo simbi uye hama yake yo mwanakadzi yaizwi Naama. 23 Hino, Rameki wakazobvunza akadzi ake airi Adha na Zira kuti:

25 Adhamu wakaitazve zvepamaponde no mukadzi wake, uye wakabara mwana we mwanarume. Uye wakamududza zina rokuti Seti,* ngokuti iyena wakati: “Mwari andipasa mwana umweni* pa mbuto ya Abheri, ngokuti Kaini wakamuuraya.” 26 Seti wakabarawo mwana we mwanarume, uye wakamududza kuti Enosi. Mu nguwa iyona anhu akatanga kudainza zina ra Djehovha.