Djoshuwa

24 Hino Djoshuwa wakaunganidza madzinza ese e Israeri ku Sikemu uye wakadainza akuru e Israeri, atungamiriri e madzinza, atongi, atungamiriri e masurudado, uye ese akauya pamberi pa Mwari we cokwadi. 2 Djoshuwa wakati ku anhu ese: “Izvi ndizvo zvinobhuiwa na Djehovha Mwari we Israeri: ‘Madzitsekuru enyu, kutobatanidzawo Tera baba a Abrahamu na Naori, akararama mu nguwa ye kare ku dii rimweni re Murambo we Eufrati* uye awona akaseenzera anamwari amweni.

3 “‘Nokuhamba ke nguwa, ndakabvisa tsekuru enyu Abrahamu ku dii rimweni re Murambo we Eufrati* uye ndakaita kuti ahambe nyika yese ye Kanani uye ndakaita kuti dzinza* rake riwande. Inini ndakamupasa Izaki; 4 uye Izaki wakabara Djakobo na Izau. Mumasure mazvo, ndakapasa Izau Dunhu re Seiri kuti rigare nhaka yake; uye Djakobo no ana ake akaenda ku Edjipitu. 5 Nokuhamba ke nguwa, ndakatuma Mozesi na Aroni, uye ndakakuwadza Edjipitu no matambudziko, uye imwimwi ndakamubvisai ikona. 6 Pandakabvisa abereki enyu ku Edjipitu uye imwimwi moguma ku bahari, Aedjipitu akateera abereki enyu no ngoro dze hondo uye atekenyi e makavharo dakara mu Bahari re Kupsvuka. 7 Uye madzitsekuru enyu akatanga kudeketerera Djehovha uye inini ndakakanda* cidima pakati penyu no Aedjipitu, uye ndakaita kuti bahari riafukidze; uye madziso awo kamare akaona zvandakaitira Aedjipitu. Uye imwimwi makararama ku renje ke makore* akawanda.

8 “‘Inini ndakamuendesai ku nyika yo Aamori ku n’ombera* ke Djorodhani, uye awona akarhwisana nemwi. Asi inini ndakaakanda mu nyara dzenyu kuti imwimwi mutore nyika yawo, uye ndakaatsakatisa pamberi penyu. 9 Hino Bharaki mwana wa Zipori mambo we Moabhi, wakamuka uye wakarhwisa Israeri. Iyena wakadainza Bharami mwana wa Bheori kuti amutukei. 10 Asi inini andizi kuda kuzwira Bharami. Ngokudaro, iyena wakamukomborerai kakawanda, uye inini ndakamununurai mu nyara dzawo.

11 “‘Hino imwimwi makabira Murambo we Djorodhani uye makaguma ku Djeriko. Uye atungamiriri* e Djeriko, kutobatanidzawo Aamori, Aperezi, Akanani, Ahiti, Ajirgazi, Ahivhi, Ajebhuzi akarhwisana na imwimwi, asi inini ndakaakanda mu nyara dzenyu. 12 Ndakaita kuti awona athye pamainga musati maguma, uye izvona zvakaita kuti awona atize pamberi penyu, hinga zvainga zvaizwa no madzimambo mairi e Aamori. Izvi azvizi kuitika nge ndaa ye supada kana uta dzenyu. 13 Uye ndakamupasai nyika yekuti imwimwi amuzi kuiseenzera uye mathaundi amusikazi kuwaka, uye imwimwi makagaremo. Imwimwi muri kurhya micero ye miuvha uye ye miorivhi yamusikazi kusima.’

14 “Hino ithyai Djehovha uye museenzerei no mwoyo wese* makatendeka;* tsakatisai pakati penyu anamwari ainamathwa no madzitsekuru enyu ku dii rimweni re Murambo we Eufrati* no ku Edjipitu, uye namatai Djehovha. 15 Parizvino, kana imwimwi meciona kuti azvizi kunaka kuseenzera Djehovha, sanangurai nyamasi wamucaseenzera, kana mucaseenzera anamwari ainamathwa no madzitsekuru enyu ku dii rimweni re Eufrati,* kana mucaseenzera anamwari e Aamori, awo ano nyika yamuri kuraramira. Asi kandiri inini no e pa nyumba pangu, ticaseenzera Djehovha.”

16 Hino anhu akati: “Atizosii Djehovha kuti tiseenzere anamwari amweni. 17 Ndi Djehovha Mwari wedu, akabvisa isusu no abereki edu mu nyika yo Edjipitu, nyika yo uranda,* uye akaita zvishamiso zvakakura pamberi pe madziso edu uye akatidziirira mu makwanza edu ese ataihamba nawo uye pakati pe madzinza ataipinda. 18 Djehovha akadzingira anhu ese kutobatanidzawo Aamori, airaramira mu nyika ino isusu tisati taamuno. Ndiyo ndaa, isusu ticaseenzerawo Djehovha, ngokuti iyena ndi Mwari wedu.”

19 Hino Djoshuwa wakati ku anhu: “Imwimwi amukwanisi kuseenzera Djehovha, ngokuti iyena ndi Mwari mucena; iyena ndi Mwari anoda kunamathwa kakakwana. Iyena aazorekereri zvishaishi zvenyu* uye zvitema zvenyu. 20 Kana imwimwi mukasiya Djehovha uye monamata anamwari e nyika dzimweni, iyena acamusiyaiwo uye acamutsakatisai, kunyazi mumasure me kumbomuitirai zviro zvakanaka.”

21 Asi anhu akati kuna Djoshuwa: “Haiwa, isusu ticaseenzera Djehovha!” 22 Hino Djoshuwa wakati ku anhu: “Imwimwi muri apupuri pacenyu kamare, kuti makasanangura mwega kamare kuseenzera Djehovha.” Awona akadaira kuti: “Isusu tiri apupuri.”

23 “Ngokudaro, bvisai anamwari e nyika dzimweni ari pakati penyu, uye seenzerai Djehovha, Mwari we Israeri no mwoyo wese.” 24 Anhu akati kuna Djoshuwa: “Isusu ticaseenzera Djehovha Mwari wedu, uye ticazwira izwi rake!”

25 Ngokudaro, pa zuwa irona Djoshuwa wakaita citenderano no anhu uye wakaapasa mutemo ku Sikemu. 26 Hino Djoshuwa wakatara masoko aya mu bhuku re Mutemo wa Mwari, pedzepo wakatora buwe guru uye worikanda pasi pe muti mukuru uri dhuze no mbuto cena ya Djehovha.

27 Djoshuwa wakatizve ku anhu ese: “Onai! Buwe iri ricaseenza hinga mupupuri katiri, ngokuti irona razwa zvese zvatabvunzwa na Djehovha, uye irona ricagara mupupuri kamuri, kuti imwimwi musasiye kuseenzera Mwari.” 28 Ngokudaro Djoshuwa wakaeneka anhu uye umwe na umwe wawo wakaenda ku nhaka yake.

29 Mumasure me zviro izvi, Djoshuwa mwana wa Nuni, museenzi wa Djehovha, wakafa no makore 110. 30 Uye awona akamukotsera ku nharaunda ye nhaka yake ku Timinati-sera, iri ku mutanha we matunhu we Efraimu, kakutsi ke Dunhu re Gaashi. 31 Aisraeri akarumbwa eciseenzera Djehovha pa mazuwa ese a Djoshuwa uye pa mazuwa ese e akuru akarumbwa ecirarama mumasure ma Djoshuwa uye ainga eciziya zvese zvakaizirhwa Aisraeri na Djehovha.

32 Makodo a Zuzee, awo ainga atorhwa no Aisraeri kubva ku Edjipitu, akaakotsa ku Sikemu mu munda mudoko wekuti Djakobo wakautenga no ana a Amori, baba a Sikemu no mare inokwana kuita 100; uye iyena wakauita nhaka ku ana a Zuzee.

33 Uyewo Ereazari mwana wa Aroni wakafawo. Uye akamukotsa ku Cidunhu ca Fineya mwana wake, caainga apaswa ku mutanha we matunhu wa Efraimu.