Dhavhidhi na Sauri

Mumasure mekuti Dhavhidhi wauraya Goriyati, iyena wakagara mutungamiriri we masurudado a Sauri. Dhavhidhi wakabudirira pa hondo dzakawanda uye wakagara no mbiri. Pese paaihwirira kubva ku hondo, anakadzi aiemba ngoma eciti: ‘Sauri wakauraya zviuru zve azondi, asi Dhavhidhi wakauraya makumi e zviuru!’ Izvona zvakaita kuti Sauri agare no shanje. Ndiyo ndaa, wakarangarira kuuraya Dhavhidhi.

Dhavhidhi wainyasa kuridza rudimbwa. Zuwa rimweni, Dhavhidhi wainga eciridzira Sauri rudimbwa. Hino, Sauri wakabata pfumo okhandirira Dhavhidhi. Asi Dhavhidhi wakakwanisa kunzvenga. Kubva ipona kuenda mberi, Sauri wakaedza kuuraya Dhavhidhi kakawanda. Dhavhidhi wakaona kuti zvainga zviri nani kutizira ku renje.

Sauri wakaunganidza anarume anokwana kuita 3000 oteera Dhavhidhi. Sauri wakapinda mubako mainga makafindara Dhavhidhi ne anarume ake. Anarume a Dhavhidhi akareketa mu ciwewewe, eciti: ‘Dhavhidhi, uu ndiwo mukana we kuuraya Sauri.’ Hino, Dhavhidhi wakaenda padoko no padoko kuna Sauri uye wakaceka padoko djira rake re kunza raainga akapfeka. Sauri aazi kuzvizwa. Hino Dhavhidhi wakadzipasa ndaa nge zviro zvaainga aita, ngokuti wainga asikazi kupangidza rureremedzo kuna mambo wainga akasanangurhwa na Djehovha. Dhavhidhi aazi kutendera kuti anarume ake auraye Sauri. Asi Sauri paakabuda mu bako, Dhavhidhi wakadainzira eciti: ‘Tenzi hinga ndamuurayai, asi andizi kuzviita.’ Izvona zvakaita here kuti Sauri asiye kuda kuuraya Dhavhidhi?

Haiwa. Sauri wakarumbwa eciteera Dhavhidhi. Zuwa rimweni, Dhavhidhi no mwana wa titiu ake Abhisai akapinda mucifise-fise mu musasa mainga muna Sauri. Pa nguwa iyona, Abhineri waidikana kucengeta mambo wainga akatowatawo. Abhisai paakaona izvona, waida kuuraya Sauri. Asi Dhavhidhi wakati: ‘Abhisai musiye, zviripo zvicaizwa na Djehovha kuna Sauri. Isusu ngatitore basi pfumo no jaro yake ye mvura tibude muno.’

Dhavhidhi na Abhisai akabuda mu musasa uye akakwira dunhu rainga riri padhuzepo. Ari padenga pe dunhu, Dhavhidhi wakadainzira eciti: ‘Abneri, ngei iwewe auzi kucengeta mambo? Jaro ye mvura uye no pfumo ya Sauri zviri kupi?’ Sauri wakaziya kuti izwiro rainga riri ra Dhavhidhi uye wakati: ‘Iwewe ungadai wandiuraya, asi auzi kundiuraya. Zvezvirokwazvo ucazogara mambo we Aisraeri.’ Mumasure mazvo, Sauri wakahwirira kumba kake. Kodi anhu ese e mu mhuri ya Sauri, aizonda Dhavhidhi here? Ticazviona.