Kushingirira
Kodi aseenzi a Mwari anodikana kushingirira here?
Tingazviziya kudini kuti anhu amweni aazodi kuzwa masoko edu kana kuti angatokwanisa kutiteerera?
Mt 10:22; Ju 15:18, 19; 2Ak 6:4, 5
Nyaya dze Bhaibheri dzinokosha:
2Pe 2:5; Ge 7:23; Mt 24:37-39—Kunyazi Nowa wainga ari “muparidzi we unatsi,” akawanda aazi kuda kumuzwa, uye iyena no mhuri yake basi ndiwo akapona pa Ndambi Huru
2Ti 3:10-14—Muphostori Pauro wakaseenzesa muezaniso we kushingirira kuti akohomedzese Timoti kuti ashingirirewo
Ngei tinoetsera kuphikiswa no anhu, kutobatanidzawo anhu e mu mhuri medu?
Nyaya dze Bhaibheri dzinokosha:
Ge 4:3-11; 1Ju 3:11, 12—Kaini akauraya hama yake Abheri ngokuti mabasa ake ainga akashata, asi mabasa e hama yake Abheri ainga ari e unatsi
Ge 37:5-8, 18-28—Zuzee paakapanganidzira hama dzake hope yaikosha yaainga aroteswa ndi Djehovha, awona akamukhandira mu rindi uye akamutengesa hingana muranda
Paya patinoteererhwa, ngei tisikadikani kutya kufa?
Onaiwo Zva 2:10
Nyaya dze Bhaibheri dzinokosha:
Dha 3:1-6, 13-18—Shadreki, Misheki na Abhedhinego akaramba kugodamira cidhori, kunyazi Mambo paakada kuauraya
Zvt 5:27-29, 33, 40-42—Kunyazi ecithyisidzirhwa kuda kuuraiwa, aphostori akarumbwa ecishingirira kuparidzira
Kodi cinyi cingatibetsera kurumbwa takagondeka kuna Djehovha kunyazi patinopaswa mupango?
Zvie 3:11, 12; Ahe 12:5-7
Nyaya dze Bhaibheri dzinokosha:
Nu 20:9-12; Dhe 3:23-28; 31:7, 8—Muphorofita Mozesi wakanyangadzwa paaipangirhwa ndi Djehovha, asi kunyazi zvakadaro iyena akarumbwa akagondeka uye wakashingirira dakara ku mugumo
2Md 20:12-18; 2Mk 32:24-26—Mambo Ezekiya paakaita citema, muphorofita wa Djehovha wakamusumurura, Mambo wakatendera mupango uu uye iyena wakarumbwa eciseenzera Djehovha akatendeka
Ngei zvingashupha kushingirira kana amweni akasiya kuseenzera Djehovha?
Dje 1:16-19; Ahe 1:2-4
Nyaya dze Bhaibheri dzinokosha:
Pis 73:2-24—Mutari we pisarema paakaona runyararo no kucengeteka ke anhu anoita zvakashata, iyena wakadzibvunzisa kuti, zvainga zvakanaka here kushingirira mu basa ra Djehovha
Ju 6:60-62, 66-68—Kunyazi akawanda akasiya kugara ateeri a Djesu, muphostori Pedro wainga akagadzirira kurumbwa akashinga
Cinyi cicatibetsera kurumbwa takashinga?
Kurumbwa tiri ku dii ra Djehovha
Dhe 30:19, 20; Aro 15:5, 6; 1Ak 10:13
Kufunda Soko ra Mwari uye kunyasa kurangarira
Mp 7:12; Aro 15:4; Ako 1:10, 11; 2Pe 3:15-18
Nguwa dzese kuita minamato inobva mu mwoyo
Nyaya dze Bhaibheri dzinokosha:
Dha 6:4-11—Muphorofita Dhanyeri akarumbwa eciita munamato kuna Djehovha kunyazi azondi eciita urongwa we kuda kumuuraya
Mt 26:36-46; Ahe 5:7—Pa usiku we kupedzesera Djesu asati afa, iyena akaita munamato we kudeketera uye akakohomedzesawo amweni kuti aitewo zvimwezvo
Nguwa dzese tinodikana kunamata Djehovha no hama dzedu mu misangano ye ungano
Kurumbwa tecirangarira ngezve makomborero atinogondeswa na Djehovha
Kubambisa rudo redu na Djehovha no hama dzedu uye ku zviro zvakanaka
Kubambisa kutenda kedu
Kuona matambudziko nge mushobo wakanaka
Makomborero api atinogara nawo patinoshingirira takagondeka?
Tinokudza Djehovha Mwari
Zvie 27:11; Ju 15:7, 8; 1Pe 1:6, 7
Nyaya dze Bhaibheri dzinokosha:
Djob 1:6-12; 2:3-5—Sathani wakapumha Djehovha kuti iyena anokomborera anhu no cinangwa cokuti amuseenzere. Djobo wakashingirira kuti apangidze kuti Sathani wainga ecinyepa
Aro 5:19; 1Pe 1:20, 21—Kusiyana na Adhamu asikazi kuzwira Mwari, Djesu akashingirira akagondeka dakara pa kufa, ecidaira mubvunzo unoti: kodi munhu akakwana angagara akagondeka kuna Djehovha kana akaedzwa dakara apererhwa here?