Makamborangarira Kupinda Cikora ce Aziisi e Umambo Here?

Imwimwi muri pakati pe makore anokwana 23 no 65 uye muri mubasa re nguwa yakadzara here? Muno uthongo wakanaka, uye munokwanisa koseenza kunodikanwa aparidzi akawanda here? Kana mhinduro yenyu iri honde pa mibvunzo idzi, makamborangarira kupinda Cikora ce Aziisi e Umambo here? Kubvira pakatanga kuizwa cikora ici, zviuru zve makazado, hama no hanzvadzi dzisati dzawaka kana kuwakwa dzakatumira mapetisao. Kunyazi zvakadaro, ticiri kuda kuti hama no hanzvadzi dzisati dzawaka kana kuwakwa adzipire pakuita zvakawanda mu basa ra Djehovha. Kumbirai Djehovha kuti atunhudzire cido cenyu ce kuda kumupfadza uye kuteedzera Mwana wake. (Pis 40:8; Mt 20:28; Ahe 10:7) Pedzepo, rangarirai kuti zvinyi zvamunodikana kugadzirisa muupenyu wenyu, zvinobatanidza basa renyu no zvimweni kuitira kuti mukwaniriswe.

Mikana ipi yakafununguka ku hama dzakapinda cikora ici? Afundi amweni akatumwa ku mbuto inoreketa mureketero umweni kana kuti ku mbuto dzinoparidzirhwa eciseenzesa cingoro. Amweni akatumwa kuti aseenze hingana aonereri e nharaunda ke nguwa doko, aonereri e nharaunda ke nguwa yakadzara, uye mamisionario. Rangarirai zvamungaita mu basa ra Djehovha uye itai hingana muphorofiti Isaya akati: “Ndiri pano! Nditumei!”—Isa 6:8.

ONAI VHIDHIYO YAKAZWI MAMISIONARIO—ASEENZI MU BASA RE KUKORORA, UYE PEDZEPO DAIRAI MIBVUNZO INOTEERA:

• 

  Mamisionario anosanangurhwa kudini?

• 

  I basa ripi rakanaka riri kuizwa ngo mamisionario?

• 

  Makomborero api aripo ngo kuseenza hinga mumisionario?