Abereki, Roedzai Ana Enyu No Uzii

Tiri kurarama mu nyika inofundisa kuti zviro zvakanaka zvakashata uye zvakashata ndizvo zvakanaka. (Isa 5:20) Zvinotsukwarisa kuti, anhu amweni anoita zviro zvinozondwa na Djehovha, zvinobatanidza kuita zvebonde mwanarume no mwanarume uye mwanakadzi no mwanakadzi. Afundi ekucikora no anhu amweni angaedza kubambidzira madjaha eciKristu kuti aite zviya zvaanoita. Mungabetsera kudini ana enyu kuti akunde zviro izvi pazvinoita?

Dziirirai ana enyu ngo kuabetsera kuti aziye zvinodiwa na Djehovha. (Re 18:3) Padoko no padoko, fundisai ana enyu nge zvinobhuya Bhaibheri zvinocokuita no bonde. Reketai shwiro inoendarana no thunga ro mwana wenyu (Dhe 6:7) Dzibvunzisei kuti: ‘Ndakambocedza no mwana wangu kuti zvakanakirei uye zvakashatirei kushamwaridana no anhu amweni, nge zve kudikanwa ke kupfeka zvakanaka, uye kuita kuti mweni amureremedze? Mwana wangu ucazokwanisa here kuziya zvokuita paacamubambidzirhwa no amweni kuona pornografia kana kuti akamukumbira kuti aite ciro cinozwi na Djehovha cakashata?’ Mukacedza no ana enyu paciinonguwa zvicazoabetsera kuti akwanise kutiza zvakashata. (Zvie 27:12; Mup 7:12) Pamunofundisa ana enyu, imwimwi munonga mecipangidza kuti munoreremedza nhaka ii inobva kuna Djehovha.—Pis 127:3.

ONAI VHIDHIYO YAKAZWI WAKAI NYUMBA YAKABAMBA—DZIIRIRAI ANA ENYU “PA ZVIRO ZVAKASHATA,” PEDZEPO DAIRAI MIBVUNZO INOTEERA:

• 

  Ngei zvecishuphira abereki amweni kucedza no ana awo nge zve bonde?

• 

  Ngei zvakanakira abereki kuti arere ana awo no “mupango uye nhungamiriro ya Djehovha”?—Aef 6:4

• 

  Mafaramenta api e sangano angaseenzeswa no abereki pakufundisa ana awo nge zve bonde?—w19.05 paji. 12, bhokisi

• Ngei zvakanaka kucedza no ana enyu zviro zvicakanaka pane kuti muimire panoitika matambudziko kuti muzocedza nawo?