Djehovha na Djesu Acatisudzunura

Zvinetso zvipi zvamunosongana nazvo zuwa no zuwa? Muri musoro we mhuri ane zvakawanda zvekuita here? Munocengeta mhuri yenyu mwega here zvekuti munodikana kuseenza no simba kuti muiriritire? Muri arumbwana anoshushuwa kucikora here? Mune dambudziko re uthongo here kana kuti maamunhu acembera? Tese hedu tiri kubatana no matambudziko akawanda. Akristu akawanda ari kusongana no matambudziko akawanda pa nguwa imweyo. Asi, tinozviziya kuti mu nguwa doko iri kuuya Djehovha acatisudzunura pa matambudziko ese.—2Ako 4:16-18.

Patinonga tecietsera kuti nguwa ii igume, zvakanaka maningi kuziya kuti Djehovha anozwisisa matambudziko atinawo, anopfara maningi ngo kuona kugondeka kedu uye kushingirira katinoita, uye acatikomborera maningi mune ramangwana. (Dje 29:11, 12) Djesu anorangarirawo nge zve umwe na umwe wedu. Patinonga tecibatana no matambudziko zvakanaka maningi kuedzurira masoko a Djesu: “Ndinemwi.” (Mt 28:20) Patinoima kuti tirangarire nge zve rusudzunuro ratinogondeswa na Djehovha mu nguwa ye mberi, kariro yedu inobamba uye ticagara tecida kurumbwa tecishingira.—Aro 8:19-21.

ONAI VHIDHIYO YAKAZWI DUTU ZVARIRI KUKWEDERA PADHUZE, GARAI MAKAKANDA NDANGARIRO DZENYU PANA DJESU!—MAKOMBORERO ACAUNZWA NO UMAMBO, PEDZEPO DAIRAI MIBVUNZO INOTEERA:

• Anhu akasiya Mwari ngo gwanzi ripi, uye zvakazoguma papi?

• Makomborero api acapaswa aya akagondeka kuna Djehovha?

• Ramangwana iri ringakwanisika kudini?

• Muri kukarira kuona makomborero api mu nyika ipsva?