Mazano Matatu Ekupsvaka Rubetso ra Djehovha

Dhavhidhi wakakwanisa kunyisa Goriyati ngekuti iyena wakagonda Djehovha. (1Sa 17:45) Djehovha anoda maningi kubetsera no kubambisa asenzi ake. (2Mak 16:9) Pane kuti tigonde zvatinokwanisa kuita no zvatakararama, tinodikana kugonda rubetso ra Djehovha. Tingazviita kudini? Ngationei mazano matatu:

• Namatai nguwa dzese. Namatai kuna Djehovha haiwa basi kuti mukumbire kurekererhwa pamunoshaisha, asi namataiwo kuti mukumbire simba re kusaita zvishaishi. (Mt 6:12, 13) Namatai haiwa basi kuti mukumbire kuti Djehovha akomborere cisananguro camaita, asiwo namatai mecikumbira nhungamiriro no ungwaru musati maita cisananguro.—Tg 1:5

• Garai no urongwa wenyu we kuerenga no kufunda Bhaibheri. Musapedze zuwa rese musikazi kuerenga Bhaibheri. (Pis 1:2) Nyasai kurangarira nge zviya zvamaerenga uye seenzesai zvamafunda. (Tg 1:23-25) Pane kuti mugonde zvamadjaira kuita, torai nguwa kuti mugadzirire zvamucaparidzira. Uyezve kana mukanyasa kugadzirira zvicafundwa pa misangano, imwimwi mucanyasa kubetsereka nayo.

• Teererai nhungamiriro dzatinopaswa no sangano ra Djehovha. Itai zviri zvese kuti muziye nhungamiriro dzipsva dzatinopaswa no sangano uye zviseenzesei ciripo-ripoco. (Nu 9:17) Purutanai nhungamiriro no mipango yatinopaswa no akuru.—Ahe 13:17

ONAI VHIDHIYO YAKAZWI MUSATHYE KUTEERERHWA, PEDZEPO DAIRAI MIBVUNZO INOTEERA:

• Hama no hanzvadzi dzabuda pa vhidhiyo dzaithyei?

• Cinyi cakaabetsera kuti akunde kuthya kawo?