Garai no Zvinangwa mu Mazuwa e Cirangaridzo

Makore ese, anhu a Djehovha anoetsera kupinda ese Cirangaridzo. Pa sumana Cirangaridzo cisati catanga uye capera, tinokhorovhera mikana ii kuti tikudze uye kutenda Djehovha nge ndaa ye cipo ce rusudzunuro. (Aef 1:3, 7) Nge muezaniso, tinobatikana nge kupika amweni kuti auye pa Cirangaridzo. Amweni anokwanisa kuita cinjo dzakakura kuti agare mapiyonero e rubetso no cinangwa cekuita ma ora 30 kana kuti 50 mu mwedzi wa Marso kana kuti Abriri. Imwimwi maidawo here kutunhudzira basa renyu rekuparidzira pa nguwa ii ye Cirangaridzo? Cinyi cingakwanisa kumubetserai kuti mubudirire?

Kajinji kakhona, tingakwanisa kuita zvakawanda kana tikagadzirira pacine nguwa. (Zvie 21:5) Nguwa ii ye Cirangaridzo zvairi kukhwedera nokukasika, zvino inguwa ye kutanga kugadzirira. Cimborangarirai kuti imwimwi maizoda kuparidzira kudini panguwa ii ye Cirangaridzo uye nyasai kugadzirira zviro zvamunodikana kuita kuti mudzadzise cinangwa cenyu. Pedzepo, kumbirai Djehovha kuti abetsere kupeta kenyu masimba pa kuita izvona.—1Ju 5:14, 15.

Imwimwi mungakwanisa kurangarira mishobo minganani dze kuparidzira nadzo pa nguwa ye Cirangaridzo?