KURARAMA KE CIKRISTU

Betserai Anhu Asikanamati kuti Aziye Musiki Wawo

Imwimwi makamboima kuparidzira anhu asikanamati mecirangarira kuti pamweni aazodairi zvakanaka here? Kana zviri izvona, edzurirai kuti anhu akawanda asikanamati—kutobatanidzawo aya asikatendi muna Mwari—akagara Apupuri a Djehovha. Kakawanda kakhona caaida basi i kubetserhwa padoko kuti aongorore upupuri wekuti Mwari ariyo.—Aro 1:20; 10:14.

ONAI VHIDHIYO YAKAZWI EDZURIRAI KUTI—ANHU ASINA KUTENDA ANOKWANISA KUGARA NOKUTENDA!—ANHU ASIKANAMATI, PEDZEPO DAIRAI MUBVUNZO UNOTEERA:

Eshiperiensiya ya Tommaso inomubetserai kudini kuti mugare no maonero akanaka pamunonga meciparidzira anhu asikanamati?

Mhinduro yenyu

Mungazviita kudini

Kana munhu akapangidza kusatenda muna Mwari, pangidzai upfawi, ngwarirai zvamucareketa uye pangidzai kuti murikuda kuziya marangariro no mazwiro ake ngezve nyaya iyona. (2Ti 2:24) Cedzai ngezve nyaya yaanopfarira. Iyena wakasununguka here kuti acedze ngezve nyaya dzakaita kuti anhu akawanda atendere kuti kuno Musiki? Kana zviri izvona seenzesai mabhuku uye mavhidhiyo akagadzirirhwa izvona. Mabhurushura Será Que a Vida Teve Um Criador? uye A Origem da Vida—Cinco Perguntas Que Merecem Resposta akakandwa mu Bhokisi re Mafaramenta e Kufundisa kuti zviite nyore kuagumira.

Pakutanga, pamweni imwimwi mungathya kucedza no munhu usikatendi muna Mwari ngezve cokwadi. Zvakadini kukumbira rubetso ku muparidzi wagara no basa? Edzuriraiwo kuti Djehovha angatibetsera kuti tibaye mwoyo ye anhu anoda kunyazi pakutanga awona asikatenderi kuti Mwari ariyo.—Zvt 13:48.