Fundai Mune Ndangariro Dziri pa Mbuto

Patinonga tecigadzirira kuti tifunde tingadzibvunzisa kuti: ‘Ndinoda kufundei?’ Kunyazi zvakadaro, tinodikana kungwarira kuti tisasiye mafundo amweni ekuti Djehovha ari kuda kutifundisa ngokuti akasiyana no zviya zvatiri kupsvaka. Tingagara kudini no ndangariro dzedu pambuto patinonga tecifunda?

Namatai mecikumbira ungwaru. Kumbirai kuti Djehovha amubetserei kuona zviya zvaanoda kuti mufunde zvino. (Tig. 1:5) Musagutsikane basi no zviya zvamunoziya.—Zvie. 3:5, 6.

Musareruse simba rino Bhaibheri mu upenyu wenyu. “Soko ra Mwari ripenyu.” (Aheb. 4:12) Hino, pese pamunoerenga Bhaibheri, irona ricamufundisai ciro cipsva uye ricamubetserai nge mushobo wakasiyana-siyana. Asi izvona zvicaitika kana imwimwi mukagara no ndangariro dziri pambuto kuti mutambire zvamuri kufundiswa na Djehovha.

Koshesai zvese zvinofundiswa na Djehovha. Zvokurhya zvekunamata zvatinopaswa na Djehovha zvakaita hinga “mabiko e zvekurhya zvakanaka.” (Isa. 25:6) Hino, musasiye “zvekurhya” zviya zvamunoona kuti amuzvipfariri. Siyai kuti Djehovha amubetserei kugara munhu wakanaka, uye imwimwi mucapfara nge kufunda zviya zvaanofundisa!