Hwirinzirai Mafundo Makuru

Imwimwi makambogarawo here no cinetso ce kuedzurira zviya zvamainga mabva kufunda? Nguwa dzimweni, izvona zvinoitika ku anhu ese. Asi zvinyi zvingamubetserai pa mugariro uwona? Kuhwirinzira mafundo makuru.

Pamunonga meciita fundo yo munhu ega, imboimai padoko kuti mutarire mafundo makuru anokosha. Pauro wakabetsera aerengi e tsamba yake kuti aite izvona, paakati: “Iri ndirona fundo guru.” (Aheb. 8:1) No masoko aya, iyena wakaabetsera kuti anyase kuzwisisa kuti fundo rimwe na rimwe raibatana kudini no fundo guru.

Imwimwi mungakwanisa kudusa kacinguwa mumasure me kupedza kuita fundo yenyu ye munhu ega, pamweni miseswa gumi kuti mumborangarire padoko ngezve mafundo amaona. Kana imwimwi mukakonerhwa kuaedzurira, ringiraizve padoko zvimisoro kana kuti masoko anokosha e ndima (kakawanda kakhona masoko ekutanga e ndima). Kana mukaita kudaro, zvicamubetserai kuti muedzurire. Kana imwimwi mafunda ciro cipsva, edzai kupanganidza no masoko enyu kamare. Nge kuhwirinzira mafundo makuru, imwimwi mucakwanisa kubetsera ndangariro dzenyu kuti dziedzurire zvamafunda uye kuti munyase kuzwisisa kuti zviro izvona zvingamubetserai kudini mu upenyu wenyu kamare.