Kushuphika kucazopera here?

BHAIBHERI RINOTI

“Mwari . . . ucapukuta misodzi yese pa madziso awo, kufa akucazoonekizve, kana kucema, kana kuridza mhere, kana kurhwadziwa.”—Zvakapangidzwa 21:3, 4, Shanduro yeNyika Itsva yeMagwaro Matsvene.

NGEI ZVAKANAKA KUZIYA IZVI

Rugondo rekuti Mwari aunzi zvakashata.—Tiyago 1:13.

Kunyaradzwa nokuziya kuti Mwari unoziya nhamo dzatiri kubatana nadzo.—Zakariya 2:8.

Kugara no kariro yokuti matambudziko ese acapera.—Pisarema 37:9-11.

TINGATENDA HERE ZVINOBHUYA BHAIBHERI?

Honde, nge shwiro mbiri:

• Mwari unozonda nhamo no kubatywa zvakashata. Cimborangarirai kuti Djehovha Mwari wakazwa kudini apo anhu ake paaibathwa zvisikazi kunaka mu nguwa dze Bhaibheri. Bhaibheri rinoti iyena wairhwadziwawo nge ndaa ye “aya aiashupha.”—Atongi 2:18. Shanduro yeNyika Itsva yeMagwaro Matsvene.

  Mwari unoshatirhwa munhu paanokuwadza mudoni wake. Ngo muezaniso, Bhaibheri rinoti iyena anozonda “nyara dzinodurura ngazi isina ndaa.”—Zvierengo 6:16, 17.

• Mwari anocengeta umwe ne umwe wedu. Atisupi tega basi “tinoziya nhamo ne kurhwadziwa kedu.” Djehovha anozviziyawo!—2 Makoronika 6:29, 30.

  Eciseenzesa Umambo wake, ngokukasika Djehovha acapedza nhamo dzese dze umwe na umwe wedu. (Mateu 6:9, 10) Asati aita izvi, iyena arikunyaradza no rupfawe ese anomupsvaka zvezvirokwazvo.—Zviito 17:27; 2 Akorinti 1:3, 4.