Garai Munhu Wakatendeseka Nguwa Dzese

Anhu ese anoda kugara no shamwari dzakatendeseka. Djehovha anodawo zvimwezvo. Asi azviripi nyore kugara munhu wakatendeseka mu nyika ino yakadzara no anhu asikazi kutendeseka. Kunyazi zvakadaro, ngei zvakanaka kugara munhu wakatendeseka?

1. Cikonzero cipi cinonyanya kuita kuti tigare anhu akatendeseka?

Patinogara anhu akatendeseka, tinopangidza kuti tinoda uye tinoreremedza Djehovha. Cimborangarirai izvi: Djehovha anoziya zvese zvatinorangarira uye zvatinoita. (Ahebheru 4:13) Iyena anoona patinosanangura kugara akatendeseka uye anozvikoshesa. Soko rake rinoti: “Djehovha anozonda munhu anonyepera zvaari, asi anoshamwaridzana ne akatendeseka.”—Zvierengo 3:32.

2. Tingagara kudini anhu akatendeseka zuwa no zuwa?

Djehovha anoda kuti ‘tirekete cokwadi ku umwe na umwe wedu.’ (Zakariya 8:16, 17) Izvi zvinoda kureyei? Zvinoda kureya kuti atizonyepi kana kucinja cokwadi patinoreketa no anyaukama edu, shamwari dze kubasa, hama dze mu ungano kana ku anyautongi. Munhu wakatendeseka aabi kana kutsotsa amweni. (Erengai Zvierengo 24:28 uye Aefeso 4:28.) Uye munhu akatendeseka anoripa misoho. (Aroma 13:5-7) Kana kuti, ‘isusu tinotendeseka pa zviro zvese.’—Ahebheru 13:18.

3. Ngei zvakanaka kugara munhu Wakatendeseka?

Kana tikaziikanwa hinga anhu akatendeseka, anhu anotigonda. Ngokudaro, ticabetsera pa kuita kuti mu ungano mugare no mwiya we kutendeseka, hinga mhuri ye zvirokwazvo. Kusiya izvi, ticagara no hana yakacena. Kutendeseka kedu kunoitawo kuti ‘fundiso ye Muponesi wedu, Mwari ikudzwe,’ uye kuita kuti anhu amweni ade kufunda nge zva Djehovha.—Tito 2:10.

FUNDAI ZVAKAWANDA

4. Kutendeseka kunopfadza Djehovha

Erengai Pisarema 44:21 uye Marakiya 3:16, pedzepo cedzai nge zve mibvunzo dzinoteera:

• Mu kuona kenyu, ngei tisikadikani kurangarira kuti tingakwanisa kufisira Djehovha ciro cipi haco?

• Djehovha anozwa kudini patinosanangura kureketa cokwadi, kunyazi pazvinonga zvisiripi nyore?

5. Garai akatendeseka mu zviro zvese

VHIDHIYO: Cinyi Cinotipasa Mupfaro?—Hana Yakacena (2:32)

Erengai Ahebheru 13:18, pedzepo cedzai nge zve kuti tingagara kudini takatendeseka . . .

• mu mhuri medu.

• ku basa kana kucikora.

• mu migariro yakasiyana-siyana.

6. Kutendeseka kunotibetsera

I zvirokwazvo kuti kutendeseka kungatiunzira matambudziko. Asi pakupedzesera, ndico ciro cakanaka catinodikana kuita. Erengai Pisarema 34:12-16, pedzepo cedzai nge zve mubvunzo unoteera:

• Kutendeseka kungakwanisa kudini kuita kuti mugare no upenyu wakanaka?

1. Amuna uye akadzi akatendeseka anobambisa mucato wawo

2. Aseenzi akatendeseka anokwanisa kugondhwa no aanoseenzera

3. Anhu akatendeseka anoreremedzwa no anyautongi

MUCIGWAGWA

Djehovha anoda kuti shamwari dzake dzigare dzakatendeseka pa zvese zvadzinobhuya uye zvadzinoita.

Mibvunzo yekuhwirinzira

• Tingapangidza kudini kuti takatendeseka?

• Ngei tisikadikani kurangaridza kuti tingakwanisa kufisa ciro kuna Djehovha?

• Ngei imwimwi mecidikana kugara makatendeseka pa zvese?

ZIYAI ZVAKAWANDA

Abereki angabetsera kudini ana awo kuti agondeke?

Bhuyai cokwadi (1:44)

Ngei zvakanaka kuita zvatinonga takagondesa?

Itai Zvamakagondesa Kuti Muone Makomborero (9:09)

Onai kuti ngei tecidikana kuripa misoho kunyazi tisikazii kuti icaseenzeswa kudini.

“Munoripa Misoho Here?” (Murindiri wa 1 ya Setembro wa 2011)

Cinyi cakaitisa kuti mwanarume umweni asikazi kutendeseka acinje upenyu wake?

“Ndakafunda Kuti Djehovha Ane Usisi uye Anorekerera” (Murindiri wa 1 ya Mayo wa 2015)