FUNDO 54
“Muranda Wakatendeka uye Akangwara” Anoita Basa Rei?
Djesu ndiyena musoro we ungano yecikristu. (Aefeso 5:23) Parizvino iyena ari kutungamirira ateeri ake ari pa nyika pano ari kudenga eciseenzesa “muranda wakatendeka uye akangwara.” (Erengai Mateu 24:45.) Djesu ndiyena akagadza “muranda” uu uye akamupasa masimba. Kunyazi no masimba aya aanawo, iyena anorumbwa ari muranda wa Kristu eciseenzera hama dza Kristu. Muranda uu ndiyani? Anobetsera kudini?
1. Ndiyani “muranda wakatendeka uye akangwara”?
Kubvira kare, Djehovha ano munhu kana kuti cikwata ce anhu caanoseenzesa kuti atungamirire anhu ake. (Marakiya 2:7; Ahebheru 1:1) Mu masure mekufa ka Djesu, aphostori no akuru ainga ari mu Djerusarema ndiwona ainga aakutungamirira. (Zviito 15:2) Izvona ndizvo zvirikuitikawo mazuwa ano. Kune cikwata cidoko ce akuru anoseenza hinga Dare Rinotungamirira re Apupuri a Djehovha ecipasa anhu zvekurhya zvekumwiya zvinoabambisa pakunamata uye eciatungamirira pa basa rekuparidzira. Dare irona iri ndiro “muranda wakatendeka uye akangwara akagadzwa na [Djesu].” (Mateu 24:45a) Ese ari mu Dare Rinotungamirira ndi Akristu akadzodzwa no mwiya mucena, uye arikuetsera kuzobatana na Kristu mu Umambo wake wekudenga pakupera ke upenyu wawo pasi pano.
2. Muranda wakatendeka anopasa anhu zvekurhya zvakaita kudini?
Djesu akabhuya kuti muranda wakatendeka aizopasa Akristu amweni “zvekurhya zvawo pa nguwa yakasisira.” (Mateu 24:45b) Kuita hingana mushobo watinopaswa simba no uthongo nge zviro zvekurhya, fundiso dzinobva mu Soko ra Mwari kana kuti zvekurhya zve kumwiya zvinotipasawo simba rekurumbwa takagondeka kuna Djehovha, teciita basa retakapaswa na Djesu. (1 Timoti 4:6) Zvekurhya izvona tinozviona pa misangano, pa gungano, ne mumabhuku anopanganidza Bhaibheri uye mavhidhiyo anotibetsera kuzwisisa zvinodiwa na Mwari nokubambisa ushamwari wedu naye.
FUNDAI ZVAKAWANDA
Onai kubetserhwa katinoizwa ngekugara no “muranda wakatendeka uye akangwara” kana kuti Dare Rinotungamirira.
Dare Rinotungamirira rinopasa Apupuri a Djehovha ari mu nyika dzese zvekurhya zvinobambisa pakunamata, rinotitungamirira uye rinotibetsera nge mishobo dzakasiyana-siyana
3. Anhu a Djehovha anodikana kugara akarongeka
Dare Rinotungamirira rinoseenzeswa na Djesu pakuronga basa re Apupuri a Djehovha. Ndizvo zvainga zvakaitawo pakutanga kecikristu. Ridzai VHIDHIYO.
Erengai 1 Akorinti 14:33, 40, pedzepo cedzai nge zve mubvunzo unoteera:
Tsamba idzi dzinopangidza kudini kuti Djehovha anoda kuti Apupuri ake agare akarongeka?
4. Muranda wakatendeka anoronga basa redu rekuparidzira
Basa rainyanya kukosha kupinda ese aiizwa no Akristu e pakutanga ngere kuparidzira. Erengai Zviito 8:14, 25, pedzepo cedzai nge zve mibvunzo dzinoteera:
Ndiani waitungamirira basa rekuparidzira cikristu pecakatanga?
Pedru na Juau akaita kudini paakabvunzwa zviro zvekuita no aphostori amweni?
Basa rekuparidzira ndirona rinokosha kupinda mabasa amweni anorongwa no Dare Rinotungamirira. Ridzai VHIDHIYO.
Djesu akabhuya kuti basa rekuparidzira rinokosha maningi. Erengai Marko 13:10, pedzepo cedzai nge zve mibvunzo dzinoteera:
Cinyi cinoita kuti Dare Rinotungamirira rikoshese basa rekuparidzira?
Ngei tecida kuti “muranda wakatendeka uye akangwara” aronge basa iri?
5. Muranda wakatendeka anotungamirira
Dare Rinotungamirira ndirona rinosanangura zvinodikana kuizwa no ungano dze cikristu pasi rese. Irona rinosanangura kudini zviro zvinonga zvecidikanwa kuizwa? Ngationei kuti dare raitungamirira pakatanga cikristu raizviita kudini. Erengai Zviito 15:1, 2, pedzepo cedzai nge zve mibvunzo dzinoteera:
Inyaya ipi yaikonzeresa zvinetso pakati pe Akristu ekutanga?
Kuti nyaya yakhona igadziriswe, Pauro na Bharnabhee no amweni akaenda kupi?
Erengai Zviito 15:12-18, 23-29, pedzepo cedzai nge zve mubvunzo unoteera:
Dare raitungamirira Akristu ekutanga raiita kudini kuti riziye kuti Mwari anotii risati rasanangura zvekuita?—Onai mavhersikuro 12, 15, uye 28.
Erengai Zviito 15:30, 31 uye 16:4, 5, pedzepo cedzai nge zve mibvunzo dzinoteera:
Akristu ekutanga akaita kudini paakabvunzwa zviro zvekuita no dare raitungamirira?
Djehovha akaakomborera kudini nge kuteerera kaakaita?
Erengai 2 Timoti 3:16 uye Tiyago 1:5, pedzepo cedzai nge zve mubvunzo unoteera:
Mazuwa ano, Dare Rinotungamirira rinopsvaka kupi mazano parinonga recida kuziya zvekuita?
ANHU AMWENI ANOTI: “Kana mecizwira Dare Rinotungamirira, munonga meciteerera anhu.”
Cinyi cinomupangidza kuti Djesu ndiyena ari kutungamirira Dare Rinotungamirira?
MUCIGWAGWA
Dare Rinotungamirira ndirona “muranda wakatendeka uye akangwara” akagadzwa na Kristu. Irona rinotungamirira Akristu ari munyika dzese reciapasa zvatinorhya zvinobambisa pakunamata.
Mibvunzo yekuhwirinzira
Ndiani akagadza “muranda wakatendeka uye akangwara?”
Dare Rinotungamirira rinotibetsera kudini?
Munotenda here kuti Dare Rinotungamirira ndirona “muranda wakatendeka uye akangwara?”
ZIYAI ZVAKAWANDA
Onai kuti Dare Rinotungamirira rakarongwa kudini kuti riite basa raro.
“Cinyi Cinozwi Dare rinotungamirira re Apupuri a Djehovha?” (Fundo ye mu saite)
Onai kuti Dare Rinotungamirira rinoita kudini kuti rigare no cokwadi cekuti tiri kuona ne masoko ecokwadi parinogadzira zvekurhya zvinotibambisa pakunamata.
Ari mu Dare Rinotungamirira anozwa kudini nge zve basa raakapaswa na Djesu?
Misangano yedu ne magungano edu anopangidza kudini kuti Djehovha ari kutungamirira Dare Rinotungamirira?