Kupfarira Anhu

Zvakaizwa na Djesu

VHIDHIYO: Djesu no Mwanakadzi we ku Samariya

1. Onai VHIDHIYO, kana kuti erengai Juau 4:6-9. Pedzepo, dairai mibvunzo inoteera:

1. Djesu asati atangisa makani, akaonei ku mwanakadziwo?

2. Djesu akati: “Ndiri kukumbirawo mvura ye kumwa.” Ngei uu wainga uri mushobo wakanaka wekutangisa makani?

Tinofundei no Muezaniso wa Djesu?

2. Zviri pamhene kuti makani anogara akanaka kana tikareketa ngezve nyaya inopfarirhwa no amweni.

Teedzerai Djesu

3. Garai munhu unokasika. Musabambidzire munhu kuti mutangise nyaya yaasikapfariri ngekuti munonyasa kuiziya. Tangisai kubhuya zviri kurekethwa nge anhu akawanda mazuwa ano. Dzibvunzisei kuti:

1. ‘Zvinyi zviri kubudiswa pa notisiya?’

2. ‘Anyacigarisano angu, adoni angu e kubasa kana kuti e kucikora ari kubhuya ngezvei?’

4. Garai munhu unoongorora. Dzibvunzisei kuti:

1. ‘Zviro zvipi zvaari kuita uye ari kurangarirei?’

2. ‘Macira, ciimo kana kuti nyumba inopangidzei ngezve zvaanotenda uye tsika yake?’

3. ‘Kodi ii, i nguwa yakasisira ye kucedza naye here?’

5. Nyasai Kupurutana.

1. Musanyanye kubhuya zvakawanda.

2. Kohomedzesai kuti munhuwo arekete akasudzunuka. Kana zveciita, itai mibvunzo.