Kufundisa nge Mushobo Uri Nyore

Zvakaizwa na Djesu

VHIDHIYO: Djesu Anoezanisira Kucengeta Kunotiita Baba Edu

1. Onai VHIDHIYO, kana kuti erengai Mateu 6:25-27. Pedzepo, dairai mibvunzo inoteera:

1. Djesu akaezanisira kudini kucengeta kunotiita Djehovha?

2. Djesu aiziya zvakawanda ngezve shiri, asi iyena akakanda ndangariro dzake pa zviro zviri nyore. Zvinyi?

Tinofundei no Muezaniso wa Djesu?

2. Kana tikafundisa nge mushobo uri nyore, anhu anokwanisa kuedzurira zviya zvataafundisa uye tinokwanisa kubaya mwoyo yawo.

Teedzerai Djesu

3. Musanyanye kureketesa maningi. Pane kureketa zvese zvamunoziya ngezve nyaya yakhona, kandai ndangariro dzenyu pa nyaya yamuri kufunda pa fundo iyona. Mumasure mekupasa mubvunzo, garai no mwoyo unononoka kutsamwa uye etserai kuti mufundi wenyu adaire. Kana iyena akatama kudaira kana kuti akadaira zviro zvisikaenderani no zvinobhuiwa no Bhaibheri, itai mibvunzo dzekutunhudzira kuti mumubetsere kurangarira ngezve nyaya yakhona. Kana mufundi akazwisisa fundo inokosha, endai pa ndima inoteera.

4. Seenzesai zviya zvaakuziya mufundi wenyu kuti azwisise zvaari kufunda zvino. Ngo muezaniso, musati matangisa fundo inobhuya ngezve rumuko, mungahwirinzira no kukasika zviya zvaakuziya mufundi ngezve anhu akafa.

5. Ziyai kuseenzesa miezaniso. Tisati taseenzesa muezaniso, tinodikana kudzibvunzisa kuti:

1. ‘Muezaniso uu uri nyore here?’

2. ‘Mufundi wangu ucakasika kuzwisisa here?’

3. ‘Muezaniso uu, ucabetsera mufundi wangu kuedzurira ngezve fundo rinokosha here kana kuti ucandoedzurira ngezve muezaniso basi?’