Masoko Kuno Acapinda Gungano

ARINDIRI Arindiri i hama dzakagadzwa kuti dzimubetserei. Tapota, itai zvaanomubvunzai uye tondowedzai mazano awo anocokuita nokutseamisa karu, kuhamba-hamba ke anhu, kucengeta mbuto uye ne zvimweniwo zvakasiyana-siyana.

BASA RE KUDZIPIRA Kana mecida kudzipira pakubetsera pa mabasa akasiyana-siyana e pa gungano rino, tapota bvunzai Dhepartamento re Masoko uye Dhepartamento re Basa re Kudzipira.

MAKADERA Tapota, reremedzai anhu amweni. Edzurirai kuti, makadera anodikana kucengeterhwa basi anhu e mu mhuri yenyu, aya amauya nawo mukaru yenyu, anorarama nemwi pa nyumba imweyo kana kuti afundi enyu e Bhaibheri. Tapota, musasiye zviro pa makadera asikazogarirhwi.

MIPIRO Kuti paoneke zvese zviri pano paseenzeswa mare yakawanda, tiri kureya ngezve mbuto dzokugarira dzakanaka, midziyo yokuridza ngoma uye midziyo ye mavhidhiyo no mabasa amweni akasiyana-siyana anoita kuti tipfadzwe nge gungano rino uye kuti tikhwedere padhuze na Djehovha. Mipiro yenyu yekuzvipira ndiyo inotsiya zviro zvese zvinodikanwa uye inobetsera basa redu re mu nyika yese. Kana mecida kupa mipiro yenyu, kuno mabhokisi e mipiro ari pamhene pa mbuto ino. Mungakwanisa kupa mipiro yenyu meciseenzesa internet pa donate.jw.org. Mipiro yenyu yese inotendwa maningi. Dare Rinotungamirira riri kumutendai maningi nge ndaa yekupa kenyu rubetso ku zviro zvinodiwa zve Umambo.

RUBHABHATIDZO Anhu acabhabhatidzwa acagadzirirhwa mbuto yokugara iri mberi, dhuze no cikuwa kana pasina nhungamiriro imweni. Anhu acabhabhatidzwa anodikana kuoneka akagara pa mbuto yaakagadzirirhwa mharidzo ye rubhabhatidzo isati yatanga, mu Sabudu ce macibesi. Umwe na umwe ucabhabhatidzwa, unodikana kuunzisa tuwarya no macira ekusamba nawo akasisira.

ZVAKAPSVETEKA UYE ZVAONEKA Midziyo yese yakapsveteka, inodikana kuendeswa ku Dhepartamento Rinoonerera nge Zviro Zvakapsveteka uye Zvaoneka. Kana imwimwi mapsvetekerhwa nge ciro, endai ku dhepartamento iri kuti murekete ngezve magarire akaita ciro camapsvetekerhwa naco. Ana adoko anodikana kugara ari padhuze no abereki awo uye kana akapsveteka anodikana kuendeswa ku dhepartamento iri. Tapota, cengetedzai ana enyu uye musaasiye ari oga.

ZVEKURAPA Tapota, edzurirai kuti Dhepartamento iri rinondorapa aya anonga ecida rubetso nokukasika.

Gungano rino rakarongwa nge Dare Rinotungamirira re Apupuri a Djehovha