Djehovha Anoda Anhu ane Usiri

Apsvari akawanda, anofundisa ana awo mushobo wokuti agare akacena. Kajinji Awona anosoti: “Karawai nyara. Psvairai mumba. Psvairai pa ruanze. Djorerai marara.” Zvinotoita hingana kushusha asi zvaanofundisa nge zve usiri zvinobva kuna Djehovha. (Eki 30:18-20; Dhe 23:14; 2Ako 7:1) Kana muiri wedu no midziyo yedu ikagara yakacena tinonga tecikudza Djehovha (1Pe 1:14-16) Kuzotiwo pa magarire e nyumba yedu no ruanze redu? Mukusiyana no anhu anobararisa marara mu makwanza uye mu maparki, maKristu anoita zviri zvese kuitira kuti mu mamizi mawo murumbwe makacena. (Mapis 115:16; Zva 11:18) Kunyazi pa zviro zvidodori zvatinopakatisa zvakaita hinga zvimaphepha zve masuwiti, zvikotera zve marefereshiko uye zvimaphepha zve mashuwinga, zvinotopangidza pamhene maitire edu anocokuita no usiri. Mu matii ese e upenyu wedu tinoda “kupangidzira kuti tiri aseenzi a Mwari.”—2Ako 6:3, 4.

ONAI VHIDHIYO YAKAZWI MWARI ANODA VANHU VAKACHENA, PEDZEPO DAIRAI MIBVUNZO INOTEERA:

• Amweni angadzivhikhira kudini pa shwiro yokutama usiri?

• Mutemo wa Mozesi wakapangidza kudini maonero a Djehovha nge zve usiri?

• Tingapupurira zvakadini mucinyararire nge zva Djehovha?