Kuvandudza Unyanzvi Hwedu Muushumiri—Kuita Kuti Mharidzo Yedu Ienderane Nasaimba

NGEI ZVAKANAKA: Akadzodzwa no mabira amweni anopika anhu ese kuti “atore mvhura asikatengi.” (Zva 22:17) Mvura ye kufanikidzira inoimirira urongwa wese wakaizwa na Djehovha kuti abvise anhu anomupurutana pa citema no rufu. Kuti tibetsere anhu ano tsika uye zvitendero zvakasiyana-siyana, tinodikana kuparidza “masoko akanaka anogara no kusikaperi” ngo mushobo unobaya mwoyo we umwe na umwe.—Zva 14:6.

ZVINGAIZWA KUDINI:

• Sanangurai musoro uye tsamba icabaya mwoyo ye anhu ari mu ndima menyu. Mungaseenzesa makani e kuezanisira kana kureketa nge zviya zvamunonyanya kuseenzesa zvecibudirira. Ngaipi misoro ye soko ne matsamba anonyanya kupfarirwa? Pane zvabva kuitika here zviciri kurangarirwa no anhu? Cinyi cinonyanya kupfarirwa ne anarume kana anakadzi?

• Pamunoguma pa samuzi seenzesai macungamidzere ne tsika dziri mu mdima menyu.—2Ako 6:3, 4

• Tinodikana kudjairana no mabhuku uye mavhidhiyo e Mubhokisi redu re Maferamenta e Kufundisa kuti tizopangidze munhu anonga apfarira

• Citisai masoko mu mareketero e anhu amucasongana nawo mu ndima menyu

• Cinjai makani enyu kuti aenderane no zvinodiwa na samuzi. (1Ako 9:19-23) Ngo muezaniso, cinyi camucareketa kana mukazwa kuti samuzi wamucaparidzira abva kufirwa?

ONAI VHIDHIYO, UYE PEDZEPO DAIRAI MIBVUNZO INOTEERA:

• Muparidzi atanga no masoko api kuti acedze na samuzi?

• Zvinyi zvaiitika mu upenyu wa samuzi?

• Tsamba ipi yakanyasa kusanangurwa yaizobetsera pa nguwa iyona uye ngei?

• Munosoitei kuti mucinje makani enyu kuti apfadze anhu e mu ndima menyu?