Zvinyi Zvamunofunda Kubva pa Ngoma dze Broadcasting?

Ngedzipi ngoma dze Broadcasting dzamunonyanya kuda uye ngei? Mu maonero enyu, idzona dzinopangidzadi kamare zviro zvinoitika pa zuwa no zuwa here? Tino ngoma dzinopfadza anhu ese, dze misoro uye mikhaindi yakasiyana-siyana. Kunyazi zvakadaro, ngoma no vhidhiyo dze ngoma dziri mu Broadcasting adzindoseenzi kuti dzitiaraidze basi.

Ngoma dzese dze mu Broadcasting dzinotifundisa zviro zvinotibetsera pa upenyu wedu se maKristu. Ngoma dzimweni dzinoreketa nge zve kutambirana zvakanaka, rubatano, ushamwari, ushingi, rudo uye kutenda. Dzimweni dzinoreketa nge zve kuhwirira kuna Djehovha, kurekererana, kuita zvakanaka mazuwa ese uye kupeta masimba kuti tikwanise madonzo e kunamata. Tino ngoma dzinotoreketa nge zve kuseenzesa zvakanaka thurufunu. Ngezvipi zvimweni zvamunosofunda kubva pa ngoma dze Broadcasting?

ONAI VHIDHIYO YO NGOMA YAKAZWI YATOSVIKA, UYE PEDZEPO DAIRAI MIBVUNZO INOTEERA:

• Ngeapi makomborero airangarirwa no kazado yacembera yapangidzwa pa vhidhiyo?—Ge 12:3

• Tingabambisa kudini rugondo redu rekuti Djehovha acadzadzisa zvaanopikira?

• Ndikupi kuonanazve kunopfadza kutori pamberi pe madziso edu?

• Kukarira makombore e Umambo wa Mwari kunotibetsera kudini kushingirira matambudziko atinobatana nawo?—Aro 8:25