Kutunhudzira Uzii Wedu We Kuparidzira—Kuparidzira Mapofu

NGEI ZVAKANAKA: Mapofu akawanda aasonyanyi kuzwa zvakanaka ngo kucedza no anhu aasikazii. Ndiyo ndaa, zvinotoda kuti tipete masimba kuti tiparidzire anhu ano urema uu. Djehovha anopangidza kuti anorangarira no rudo mapofu ese. (Re 19:14) Tingateedzera muezaniso wa Djehovha ngo kubetsera mapofu kuti afundire nge zvake.

MAIZIRHWE AZVO:

• “Psvakai” mapofu. (Mt 10:11) Pane mhuri yamunoziya here yekuti ino munhu bofu? Mu ndima yamunoparidzira muno zvikora, mbuto dzinocengeterwa nherera no anhu acembera kana zviumbano zvimweni zvino mapofu ekuti aizoda kutambira mabhuku akagadzirirwa mapofu here?

• Pangidzai kuti munoapfarira. Patinopangidza kuti tinopfarira mapofu zvecibva pa mwoyo, zvicaabetsera kuti azwe akasudzunuka patinonga tinawo. Edzai kucedza nawo nge zve masoko anopfarirhwa no ajinji mu mutanhewo

• Apasei mabhuku anoabetsera kuti aziye Djehovha. Kuti ribetsere aya ano cinetso ce madziso, sangano rinosobudisa mabhuku e mukhaindi wakasiyana-siyana. Bvunzisai umwe na umwe wawo kuti anoda kufunda mukhaindii. Muonereri we basa we ungano anodikana kunyasa kuziya kuti parikukumbirwa here mabhuku akagadzirirwa mapofu no mubati anoseenzera anoonerera nge zve mabhuku e ungano.