Rumbwai Makaimira Pamunoona Mugumu Wecikhwedera

NGEI ZVICIDIKANWA: Mbai-mbai pano, zviitiko zvikuru zvicaedza ushingi wedu uye rugondo redu kuna Djehovha. Dambudziko guru ricatanga no kuparadza citendero ce manyepo. (Mt 24:21; Zva 17:16, 17) Mu nguwa ii, pamweni ticadikana kuparidza masoko ekutongwa. (Zva 16:21) Ticashuphwa na Gogi we Magogi. (Eze 38:10-12, 14-16) Uye kuti adziirire anhu ake, Djehovha acatanga “hondo ye zuwa guru ra Mwari Wemasimba Ese.” (Zva 16:14, 16) Kuti tigare no ushingi pa zviya zvicaitika mu ramamgwana, tinodikana kugara takagondeka pa miyedzo yatinosongana nayo zvino.

MAIZIRHWE AZVO:

• Tsigirai no ushingi uye raramai maererano zvinodiwa na Djehovha.—Isa 5:20

• Rumbwai mecinamata Djehovha pamwepo no hama dzenyu.—Ahe 10:24, 25

• Izwirai nhungamiriro dze sangano ra Djehovha. —Ahe 13:17

• Nyasai kurangarira kuti Djehovha wakaponesa kudini anhu ake e kare.—2Pe 2:9

• Namatai kuna Djehovha uye mugondei. —Pis 112:7, 8

ONAI VHIDHIYO YAKAZWI ZVIRO ZVICHAITIKA ZVICADA KUTI TIGARE NO USHINGI—CIDIMBU, PEDZEPO DAIRAI MIBVUNZO INOTEERA:

• 

  Kuzwira ke aparidzi aya kakaedzwa kudini paakadomwa kuti aende koopindira ku ungano dzimweni?

• 

  Ushingi wakabatana papi no kuzwira?

• 

  Ngei ticada ushingi pa Amagedhoni?

• 

  Muezaniso upi we Bhaibheri unokwanisa kutibetsera kuti tirumbwe takagonda kuti Djehovha acatiponesa?—2Mak 20:1-24