Rumbidzai Djehovha ngo Kuseenza mu Basa re Upioneiro

Aisraeri ainga ano zvakawanda kuti arumbidze Djehovha. Iyena wakaasudzunura ku Edjipitu uye wakaaponesa ku anyahondo a Farao! (Eki 15:1, 2) Na nyamasi uno, Djehovha aciri kurumbwa eciitira zvakanaka aseenzi ake. Tingapangidza kudini kuti tinotenda zvese zvatinoizirhwa na Djehovha?—Pis 116:12.

Pane zvakawanda zvatingaita, cimweni cakhona ngecekuseenza hinga piyonero we betsero kana we nguwa dzese. Kana mukaita munamato kuna Djehovha, iyena anomupasai cido no simba rokuseenza hinga piyonero. (Afi 2:13) Ajinji anotanga kuseenza hinga mapiyonero e rubetsero. Ngo muezaniso, imwimwi mungasanangura kuita nguwa 30 kana 50 mu mwedzi wa Março na Abril uye mu mwedzi wo kuvhakacirhwa no muonereri we nharaunda. Mupfaro we kuseenza hinga piyonero we betsero, pamweni ucaita kuti mude kuseenza hinga piyonero we nguwa dzese. Hama dzimweni ndi mapiyonero e nguwa dzese kunyazi dzisina nguwa yakawanda uye dzimweni dzino dambudziko re uthongo. (mwb16.07-CA paji. 8) Zve zvirokwazvo, Djehovha wakasisira masimba ese atinopeta kuti timurumbidze!—1Mak 16:25.

ONAI VHIDHIYO YAKAZWI HANZVADZI NHATU DZE KU MONGOLIA, PEDZEPO DAIRAI MIBVUNZO INOTEERA:

• 

  Matambudziko api akasongana no hanzvadzi nhatu kuti apinde mu basa re upiyonero?

• 

  Makomborero api aakaona?

• 

  Paakagara mapiyonero e nguwa dzese, mikana ipi imweni yaakaona yo basa re nguwa yakadzara?

• 

  Muezaniso wawo wakabetsera kudini anhu amweni?