Mungabetserawo no Nguwa uye Simba Renyu Here?

Maererano no zvakabhuya Isaya, nyamasi uno tirikuona sangano ra Djehovha recikura maningi zvokuti uyai muzoone. (Isa 54:2) Izvi zvinoda kuti pawakwe Nyumba dze Umambo dzipsva, Nyumba dze Magungano uye mabheteri. Mu masure mwe kuwaka mbuto idzi, panodikana kudzigadzirisa uye pamweni paya panotodikana kudziwakazve. Izvi zvinotipasa mukana upi we kubetsera no nguwa uye simba redu kuna Djehovha?

• Isusu tingakwanisa kubetsera no kucenesa Nyumba ye Umambo

• Tingakwanisa kudzipira kuti tifundiswe kugadzirisa Nyumba yo Umambo yatinopindira

• Tingakwanisa kutumira petisau yo mabasa e LDC yakazwi (DC-50) kuti tibetsere no mabasa e kugadzirisa zviwakwa zve sangano ku mbuto dziri dhuze no katinogara

• Tingakwanisa kutumira petisau yakazwi (A-19) kuti tibetsere ke sumana imwe kana kutodarika pa mabasa anoizwa pa Betheri re mu nyika yatinogara kana kuti pa mbuto dzimweni dzinoonererhwa no Bheteri

ONAI VHIDHIYO YAKAZWI URONGWA WE KUGADZIRA CIWAKWA CIPSVA—CIDIMBU, PEDZEPO DAIRAI MIBVUNZO INOTEERA:

• Mazuwa ano taakunyanya kuseenzesa kudini mavhidhiyo kubvira 2014?

• Kuti paoneke mavhidhiyo anodikanwa pakunamata, ngaipi gadziriro iri kuizwa, icatanga riini uye icapera riini?

• Hama no hanzvadzi dzingabetsera kudini pa gadziriro ii?

• Kana tecida kuita basa re kuwaka ku Ramapo, ngei tecidikana kutumira petisau ya DC-50 uye kubetsera pa mabasa e kuwaka e LDC ari dhuze no katinogara?

• Ngezvipi zvinopangidza kuti Djehovha ari “kutungamirira” gadziriro ii?

• Tingabetsera kudini gadziriro ii no mipiro yedu?