Muri Kugadzirira kuti Mupinde Cirangaridzo Here?

Paskwa yo kupedzesera ya Djesu yaidikanwa maningi. Ngokuti iyena aizviziya kuti aizofa nguwa doko yaizoteera, ndiyo ndaa iyena akagadzirira kuti arhye paskwa pamwepo no apostori ake uye akatanga ciitiko cipsva, Kurarira ka Tenzi. Djesu akakumbira Pedru na Juau kuti agadzirire mbuto yaaizorhyira paskwa. (Ru 22:7-13; onai pajina yo kutanga.) Izvi zvinotifundisa kuti tinodikana kugadzirira kuti tipinde Cirangaridzo cicaizwa mu 27 ya Marso. Zvirokwazvo kuti ungano dzakasanangura mbuto icaizirhwa Cirangaridzo, muiti we mharidzo, pau no vhinyu uye no zvimweniwo zvicadikanwa. Asi, cinyi cingaizwa no umwe na umwe wedu kuti agadzirire kupinda Cirangaridzo?

Gadzirirai mwoyo yenyu. Erengai Bhaibheri makapituro e Cirangaridzo uye nyasai kurangarira. Mungagumira urongwa we kuerenga Bhabheri pa nguwa ye Cirangaridzo mu bhhuku renyu ra Kuongorora Magwaro Zuwa no Zuwa. Kana kuti onai Apendise B12-A, B12-B mu Shanduro ye Nyika Itsva ye Magwaro Matsvene yakagadziriswa kuti muone zvimweni. (Onaiwo Urongwa we Musangano Basa Redu uye Kurarama we mwedzi wa Mhingani 2020.) Onai Indise yo Mabhuku ye Torre de Vigia kana Bhuku Rinobatsira Zvapupu zvaJehovha Pakutsvakurudza kuti muone zvimweni zvakarigana no rusudzunuro zvamungaseenzesa pa fundo yenyu ye mhuri.

Pikai amweni kuti auye ku Cirangaridzo. Edzai no pamunokwanisa kupika anhu akawanda ku Cirangaridzo. Rangarirai anhu amungada kupika, ngo muezaniso anhu amakaparidza uye akapfarira, anhu amakambofunda nawo Bhaibheri, anhu amunoziya, no hama dzenyu. Akuru anodikana kuedzurira kupika aya asikacapindi misangano. Asi kana imwimwi mukapika munhu asiripi we mundima yenyu kana kuti asikagari kamunogara, mungapinda mu site jw.org mobaya pakazwi TIRI ANI, pedzepo bayai pakazwi “Cirangaridzo” kuti mugumire mbuto no nguwa icaizwa Ciramgaridzo kumbuto yaanogara.

Ngazvipi zvimweni zvatingaita kuti tigadzirire kupinda Cirangaridzo?