Mupango—Unopangidza Rudo ra Djehovha

Mupango unoseenza pakufundisa uye kupasa nhungamiriro, asi iwona ungaseenzeswawo pakugadzirisa kana kuphanica munhu. Djehovha anotipasa mupango wakasisira kuti timuseenzere ngo mushobo wakanaka. (Aro 12:1; Ahe 12:10, 11) Nguwa dzimweni, mupango ungaita hinga ciro cakashata, asi unotibetsera kuti tipfadze Djehovha uye tikomborerhwe naye. (Zvie 10:7) Munhu unoda kupasa mupango unodikana kuziyei?

Munhu paanopasa mupango. Akuru, abereki, no anhu amweni anodikana kupeta masimba kuti aite izvi no usisi uye rudo, eciteedzera Djehovha. (Dje 46:28) Kunyazi mupango mukuru unodikana kupaswa no rudo.—Tito 1:13.

Munhu paanopaswa mupango. Anodikana kutambira zano raanopaswa uye kuita cinjo dzinodikana ngo kukasika. (Zvie 3:11, 12) Tese hedu tiri anhu asikazi kukwana, ndiyo ndaa tecida mupango nguwa dzimweni. Izvi zvingaitika ngo mushobo wakasiyana-siyana. Ngo muezaniso, tingapangwa no zvatinoerenga mu Bhaibheri kana zvatinozwa pa misangano ye ungano. Pamweni paya, amweni angatoda kupangwa no dare rinotonga re akuru. Kana tikatendera mupango wa Djehovha, ticagara no upenyu unopfadza nyamasi uno uye nokusikaperi.—Zvie 10:17.

ONAI VHIDHIYO YAKAZWI “DJEHOVHA ANOPANGA AYA AANODA,” UYE PEDZEPO DAIRAI MIBVUNZO DZINOTEERA:

• 

  Upenyu wa Canon wakatanga kudini, uye wakazocinja kudini?

• 

  Hama Canon akatambira rubetso ripi kuti ahwirire kuna Djehovha?

• 

  Tinofundei pane zvakaitika na hama Canon?