“Garai Makagadzirira pa Mapeto e Mazuwa e Kupedzesera”

Tiri kurarama mu mapeto e “mazuwa e kupedzesera,” uye tinotokarira kuti zviro zvicatobambirira kushata kudarika zvazviri nyamasi. (2Ti 3:1; nwtsty-T masoko e pasi ari pana Mt 24:8) Panoitika njodzi, Djehovha anotipasa nhungamiriro dzatinoda pa nguwa yakasisira, asi tinodikana kugadzirira. Kutondoedza nhungamiriro dza Djehovha uye kupurutana zvino, kucatiponesa mu ramangwana.—Ru 16:10.

• Gadzirirai pane zvekunamata: Garai no urongwa wakanaka we kunamata. Fundai kuparidzira ngo mishobo dzakasiyana-siyana. Musathye kana mukakonerhwa kuonana no hama dzimweni dze ungano ke cinguwa. (Isa 30:15) Pasinei no magariro e zviro, amuripi kure na Djehovha uye na Djesu.—od-CA paji. 176 mandi. 15-17

• Gadzirirai pa zviro zvimweni: Munhu umwe na umwe anodikana kugara no pasta ino zviro zvinonyanya kudikanwa. Zvakanawo maningi kuti munhu umwe na umwe we mhuri agare no zvekurhya zvisikakasiki kuora, mvura, zvekurapa, no zviro zvimweni. Izvi zvicabetsera kana zvecida kuti mugare pamuzi ke cinguwa musikabudi.—Zvie 22:3; g17.5-CA mapaji. 4, 6

ONAI VHIDHIYO YAKAZWI MAKAGADZIRIRA HERE NJODZI DZINOITIKA DZEGA? UYE PEDZEPO DAIRAI MIBVUNZO DZINOTEERA:

• 

  Tingagadzirira kudini pane zvekunamata pa njodzi dzinoitika dzega?

• 

  Ngei zvakanaka maningi . . .

  • kucedza no akuru tsawana painonga isati yaitika, painonga yeciitika, uye painopera?

  • kugara no pasta ino zviro zvinonyanya kudikanwa?

  • kukwarakwatisa nge zve matsawana akasiyana-siyana angaitika no zviya zvatinodikana kuita?

• 

  Ngazvipi zviro zvitatu zvatingaita kuti tibetsere aya anonga azirhwa no tsawana?

DZIBVUNZISEI KUTI, ‘Panocokuita no kugadzirira, ngazvipi zvandingafunda no nhenda COVID-19?’