Pangidzai Rudo mu Mhuri

Rudo rinodikanwa maningi mu mhuri. Rudo rinobatanidza mhuri. Pasina rudo, zvingashupha kuti mhuri dzibatane uye dzibetserane. Amuna, akadzi uye abereki angapangidza kudini rudo mu mhuri?

Mwamuna ane rudo anoziya zvinodiwa no mukadzi wake uye mazwiro ake. Anozwawo zvaanoreketa. (Aef 5:28, 29) Iyena anoriritira mhuri yake no zviro zvaanoda zvekunyama uye pane zvekunamata, izvi zvinobatanidza kuitisa kunamata ke mhuri nguwa dzese. (1Ti 5:8) Mukadzi ane rudo anodzikanda pasi pe mwamuna wake. Anopangidzawo “rureremedzo rukuru” ku mwamuna wake. (Aef 5:22, 33; 1Pe 3:1-6) Mwamuna pamwepo no mukadzi anodikana kurumbwa ecipeta masimba kuti arekererane umwe na umwe. (Aef 4:32) Abereki ano rudo anofundisa ana awo kuti ade Djehovha. Uye anorangarirawo nge zve mwana umwe na umwe. (Dhe 6:6, 7; Aef 6:4) Ngo muezaniso: Zvinetso zvipi zvaanosonga nazvo kucikora? Ngazvipi zvaari kuita kuti arambe kubambidzirhwa kuita zvakashata? Kana mu mhuri muno rudo, ese anozwa akacengeteka uye ecipfara.

ONAI VHIDHIYO YAKAZWI PANGIDZAI RUDO RISIKAMBOPERI MU MHURI MENYU, PEDZEPO ITAI MIBVUNZO DZINOTEERA:

• 

  Mwamuna ano rudo anodikana kubata kudini mukadzi wake?

• 

  Mukadzi ano rudo angapangidza kudini rureremedzo ku mwamuna wake?

• 

  Abereki ano rudo angakhorovhera kudini mukana kuti afundise ana awo nge zva Djehovha?