Mazano Akanaka e Kuita Musangano we Kubuda mu Basa re Kuparidzira

Hinga misangano dzimweni dzese, musangano we kubuda mu basa re kuparidzira, ndi mukana watinopaswa na Djehovha kuti tibambisane. (Ahe 10:24, 25) Musangano we kubuda mu basa re kuparidzira unodikana kuizwa ke miseswa mishanu kana kuti minomwe basi, izvi zvinobatanidza kucedzesana no aparidzi, kuronga magurupu, kukowanisa ndima dze kuparidzira uye kuita munamato. (Kana musangano uu ukaizwa pakupera ke musangano umweni, unodikana kutora nguwa doko basi.) Mutungamirira wakhona anodikana kugadzirira shwiro inobetsera aparidzi. Ngo muezaniso, mu sabudo zvingaita kupasa mazano e kuti angacedzesana kudini no munhu, ngekuti aparidzi akawanda aakwanisi kuparidzira pakati pe sumana. Ngazvipi zvimweni zvingaizwa?

• Angaseenzesa makani e kuezanisira ari mu Urongwa we Musangano

• Maseenzesere atingaita zviro zviinooneka kana kuti zviri kuitika mu nharaunda yatiri kuti titangise makani

• Madairire atingaita munhu asikadi kuparidzirhwa

• Madairire atingaita munhu asikatendi kuti Mwari ariyo, munhu anotenda kuti zviro zvakaita zvekuphinduka-phinduka, munhu anoreketa mureketero umweni kana kuti munhu we gereja risikanyanyi kuziikanwa mu nharaunda yedu

• Mushobo watingaseenzesa zviro zviri mu saiti jw.org, mu aprikativho JW Library^®, kana kuti Bhaibheri

• Mushobo watingaseenzesa Bhokisi re Mafaramenta e Kufundisa

• Zvatingaita kuti tiparidzire nge mushobo wakasiyana-siyana, hinga kuparidzira no thurufunu, kutara tsamba, kuparidzira no cingoro, kuhwirira ku munhu wapfarira kana kuitisa fundo dze Bhaibheri

• Edzurirai nge zve kucengeteka, kukasika kuita ciito, kugara takarongeka mu basa re kuparidzira, kugara no maitiro akanaka uye kugara no maonero akanaka no zvimweniwo

• Kubhuya nge zve masoko kana mavhidhiyo e bhurushura rakazwi Petai Masimba kuti Muerenge no Kufundisa ngo Mwazvo

• Mushobo wekubetsera uye kumbambisa mudoni wedu mu basa re kuparidzira

• Tsamba ye Bhaibheri inocokuita no basa re kuparidzira kana kubhuya eshiperiensiya inopfadza