Kampanya Espesiari ye Kutanga Fundo dze Bhaibheri mu Mwedzi wa Setembro

Mu mwedzi wa Setembro ticapeta masimba kuti tipase fundo yo Bhaibheri ku anyaukama ese teciseenzesa bhurushura ra Pfadzwai ne Upenyu Nokusikaperi!. Aparidzi angasanangura kutora upionero we rubetso oseenza ke nguwa 30. Ticaita kudini kampanya espesiari?

• Pamunoona Munhu ke Kutanga: Seenzesai masoko ari pa pajina yokupedzesera yo bhurushura iri kuti muite kuti anhu apfarire, uye edzai kutanga fundo yo Bhaibheri. Edzurirai aya akambopfarira, kutobatanidza no aya amakambohwiririra. Kunyazi kana akamboramba kufunda, angapfarira mushobo mupsva wekufunda no bhurushura. Mabhurushura aadikanwi kusiiwa pa nyumba dze anhu asikazi kupangidza kupfarira. Dare re Basa re Ungano ringakwasi kuronga misangano ye kubuda mu basa re kupaaridzira no shwiro dzimweni dziripi dze kampanya ii pa mwedzi uu.

• Mikana Dzimweni: Kana ungano yenyu yeciseenzesa cingoro comabhuku, mungakandawo bhurushura ra Pfadzwai ne Upenyu Nokusikaperi. Bvunzai aya anopangidza kupfarira kuti angakwanisa kufunda bhurushura iri asikaripi. Pangidzirai maizirhwe e fundo yo Bhaibheri musikatori nguwa yakareba kana kuti mopangana kuita nguwa imweni. Muonereri we basa angagadzirira kuti aparidzi akakwaniriswa aende kooparidzira mu maempereza mu ndimemo uye opasa fundo yo Bhaibheri. Imwimwiwo mungapasa fundo yo Bhaibheri amunofunda nawo ku cikora, amunoseenza nawo, kana kuti amunoziya pamunonga meciparidzira zvisikazi kurongwa.

Djesu akatibvunza kuti “itai afundi,” “meciafundisa.” (Mt 28:19, 20) Kampanya espesiari ii inodikana kutibetsera kuti tiite basa irona teciseenzesa Pfadzwai ne Upenyu Nokusikaperi!.