KURARAMA KE CIKRISTU
Garai Makagadzirira Zvino Panyaya ye Marapirhwe eku Shipitari
Ngei mecidikana kugadzirira? Nyaya dzekuraphwa uye dze kucipitari dzinokwanisa kuitika nokukasika uye tisikakariri. Hino, nyasai kukhorovhera zvino mukana wakadzara we gadziriro dziripo dzinomubetserai kugumira marapirhwe akanakisisa anobvira. Mukaita kudaro, munonga mecipangidza kuti munoreremedza upenyu uye mutemo wa Djehovha unocokuita ngezve ngazi.—Zvt 15:28, 29.
Cinyi camungaita kuti mugadzirire?
Mecinyasa kungwarira uye no munamato tarai kartau yakazwi Diretrizes sobre Tratamento de Saúde (DPA).a Aparidzi akabhabhatidzwa angapaswa kartau DPA, uye kutobatanidzawo no Cartões de Identificação para crianças (ci), ku ana awo adoko
Kudai muno mimba, kumbirai akuru enyu kopiya ye Informações para Grávidas (S-401). Dhokumento iri ricamubetserai kuti muite cisananguro cakanaka ngezve nyaya ye uthongo ingaitika pamunonga muno mimba uye pakubara
Kana imwimwi munoda kuraphwa zvecibatanidzwa nyaya ye ngazi kana kuti kubhashari ku shipitari, ziisai akuru paciine nguwa ziisai shipitariyo kuti maizoda kutambira vhakaciro ye Mupupuri wa Djehovha
Akuru angabetsera kudini? Awona angamubetserai pa kutara kartau DPA. Akuru, aamuitiri cisananguro ngezve marapirhwe enyu kana kutopasa maonero awo ngezve zvisananguro zvenyu. (Aro 14:12; Ag 6:5) Kana mukabvunza akuru enyu kuti muri kubatana no cinetso ce uthongo cinobatanidza kukandwa ngazi, awona anokasika kureketa ne Comissão de Ligação com Hospitais (HLC) mu zina renyu.
HLC ingabetsera kudini? Hama dzinoseenza pa basa re HLC dzinorowedzwa kuti dzibetsere aya anorapa uye epamutemo kuti azwisise maonero edu ezve kunamata anocokuita no ngazi. Anokwanisa kureketa no medhiko wenyu ngezve mishobo imweni yekurapa inotunhudzira ngazi. Kana zvecibvira anokwanisa kumubetserai kuona medhiko unoseenza pamwepo nawo.
ONAI VHIDHIYO YAKAZWI MUNGAITA KUDINI CISANANGURO CE UTHONGO CINOCOKUITA NGEZVE NGAZI, PEDZEPO DAIRAI MIBVUNZO INOTEERA:
Maererano no Vhidhiyo ii, cinyi camafunda cingamubetserai pa kugadzirira kuraphwa no kukasika kunocokuita no ngazi?
a Fundo 39 ra Pfadzwai ne Upenyu Nokusikaperi! bhuku iri ringamubetserai kuita cisananguro ce kuraphwa cinobatanidza kuseenzesa ngazi.