Tingabetsera Kudini Mumasure Mekuitika Tsawana Dzinoitika Dzega

Tsawana dzinoitika dzega dzirikunyanya kuitika mazuwa ano. Kana pakaiitika tsawana dzinoitika dzega, patinoda kubetsera tinodikana kurongeka uye kunyasa kuita urongwa wakanaka. Kuti zvibudirire, Dare Rinotungamirira rakagadzirira Dhepartamento Rinoonerera nge zve Tsawana Dzinoitika Dzega muma firiari ese.

Hama dze dhepartamento ye kubetsera padzinoziya kuti paiitika tsawana dzinoitika dzega, nokukasika awona anobhuya no akuru ari kumbuto yaitika tsawana kuti aziye kuti angabetsera kudini aparidzi pazviya zvaanoda. Kana pakakuwadzika zviro zvakawanda zvisikakwanisiki kugadziriswa no aparadzi, firiari rinotuma hama dzinobetsa kuti dziende koobetsera paitika tsawana. Hama idzi dzinokwanisa kukumbira anhu anodzipira kana kuti kuita zvipo, kana kutenga zviro zvinodikanwa pambuto iyona.

Panomugumisiro wakanaka patinoiita zviro nge mushobo uwona. Izvona zvinoita kuti pasagare no basa rakakura, kusarongeka, kushaisha kuseenzesa mare uye zvimweniwo zvingaitika kana hama dzikaita zviro zvadzinorangarira dzisikazi kubvunzisa.

Hama dzakasanangurhwa no firiari ndidzona dzinosanangura kuti marei uye anhu angana anodikanwa kuti abetsere pa zviro zvinonga zvaitika. Awona angareketawo no anyautongi e mbutoyo, kakawanda kakhona awona anosotibetsera kuti basa redu rekubetsera rihambe no kukasika. Hino atidikani kuita tega cisananguro, cekuendesa mare, kutora zviro kana kuenda kumbuto yaitika tsawana tisikazi kubvunzwa kuti tizviite.

Kunyazi zvakadaro, pakaitika tsawana isusu tinoda kubetsera. (Ahe 13:16) Isusu tinoda hama dzedu! Hino tinodika kuitei? Ciro cinonyanya kukosha kuita munamato kuna Djehovha kuti abetsere aya arikusongana no tsawana no arikuabetsera. Uyewo tingakwanisa kuita mipiro kuti tibetse basa re nyika yese. Ecitungamirirhwa no Dare Rinotungamirira, mafiriari ese anokwanisa kuona kuti mipiro yese ingaseenzeswa kupi. Kana mecida kubatanidzwa pa basa rekubetsera dzadzisai Formurariyo Rekudzipira ro Projeto ye Kuwaka (DC-50).

ONAI VHIDHIYO YAKAZWI, KUDZARA KE MVURA MU BRAZIL, PEDZEPO DAIRAI MUBVUNZO UNOTEERA:

Cinyi camushamisai pakuseenza ne simba kakaizwa nge Apupuri a Djehovha pakubetsera mumasure mekudzara ke mvura ku Brazil mu 2020?