Imwimwi Murikuseenzesa Zvakanaka Here Audhiyo dze Bhaibheri?

Cinyi cinozwi audhiyo ye Bhaibheri? Audhiyo ye Bhaibheri kugravharhwi ke Shanduro yeNyika Itsva. Iyona irikubudiswa kakawanda mu mireketero yakawanda. Cimwe ce ciro cinonyanya kuoneka mu audhiyo ye Bhaibheri ngecekuti iyona inoseenzesa maizwi akasina-siyana ku umwe na umwe unobhuiwa mu Bhaibheri. Masoko akhona anoerengwa zvecinyasa kuzwika uye zvecipangidza zvinonga zvirikuitika kamare kuti pabudiswe masoko e mu Bhaibheri nge gwanza rakanaka.

Amweni arikubetsereka kudini no audhiyo ye Bhaibheri? Akawanda anozwa audhiyo ye Bhaibheri anopfara ngekuti iyona inoitisa kuti Soko ra Mwari rinyase kuzwika. Awona paanopurutana maizwi akasiyana-siyana ku umwe na umwe unobhuiwa mu Bhaibheri, anokwanisa kuona zvakanaka zviitiko zve mu Bhaibheri uye kunyasa kuzwisisa zvakatarhwa. (Zvie 4:5) Akawanda anorangarira kuti kuzwa audhiyo yo Bhaibheri kunoateramisa paanodzirhya mwoyo.—Pis 94:19.

Kuzwa Soko ra Mwari recierengwa no izwi rinozwika kunogara no mugumisiro wakanaka mu upenyu wedu. (2Mk 34:19-21) Kana audhiyo ye Bhaibheri yecioneka dii rimwe kana kuti yese mu mureketero wamunozwa, mungaita kuti iyona igare pa urongwa wenyu wekunamata here?

ONAI VHIDHIYO YAKAZWI GRAVHASAO YE AUDHIYO YO BHAIBHERI—CIDIMBU, PEDZEPO DAIRAI MUBVUNZO UNOTEERA:

Cinyi cinomushamisai pakugadzirhwa ke audhiyo ye Bhaibheri?