Mazano Anotibetsera Pakufunda
Zviro Zvipi Zvamunodikana Kutanga Kufunda?
Isusu tese tino nguwa doko ye kuita fundo ye munhu ega. Hino tingaitei kuti tinyase kukhorovhera zvakanaka nguwa ii? Cokutanga, musaiti zviro mecigogomeka. Zvezvirokwazvo, zvirinani kufunda zviro padoko tecinyasa kuzwisisa, pane kufunda zviro zvakawanda tecigogomeka.
Hino sanangurai kuti ngazvipi zvamunoda kutanga kufuda. (Aef. 5:15, 16) Onai zvingamubetsera:
Erengai Bhaibheri mazuwa ese. (Pis. 1:2) Mungatanga ngekusenzesa urongwa we kuerenga Bhaibheri uri pa urongwa wo Basa Redu uye Kurarama Kedu ke Cikristu.
Gadzirirai Fundo ye Murindiri uye musangano we Basa Redu uye Kurarama Kedu ke Cikristu. Edzai kugadzirira zvakanaka kuti mudaire.—Pis. 22:22.
Kana muno nguwa, mungakwanisa kuerenga kana kuona zvekurhya wekumwiya zvinonga zvabva kubuda. Ngo muezaniso, mabhuku anoenda nawo mu basa rokuparidzira mavidhiyo uye ma artigo abva kubviswa ari mu saiti jw.org.
Itai urongwa wekufunda. Imwimwi mungakwarakwatisa ngezve zvinetso zvamuri kusongana nazvo, pamweni mubvunzo dzamungagara nadzo kana kuti nyaya imweni ye mu Bhaibheri yamungada kunyasa kuzwisisa. Kuti muone mazano amweni endai pakazwi: “Exercícios Bíblicos” mu saiti jw.org.