Senzesai Bhaibheri Hingana Supeya

Mufundi Tiyago wakaezanisa Bhaibheri hingana supeya inotibetsera kuona mushobo watiri kamare. (Tig. 1:22-25) Tingaseenzesa kudini Bhaibheri hingana supeya nge mushobo wakanaka?

Nyasai kuerenga nge mushobo wakanaka. Kana tikaringira pa supeya tecikasika pamweni atizokwanisi kuona ciro cakashata katiri. Ngo mushobo umwewo, kana tikaerenga Bhaibheri tecikasika, atizokwanisi kuona muitiro wakashata watinawo nge cemukati-kati watinodikana kucinja. Ndiyo ndaa, tinodikana kuerenga Bhaibheri nge mushobo wakanaka kamare.

Dzionei imwimwi pacenyu haiwa kuona amweni. Patinoona supeya nge pamuceto tinoona zviya zvakashata ku amweni. Izvona zvinoitikawo patinonga tecierenga Bhaibheri tecida kuona kuti amweni anodikana kucinjei. Cinetso ngece kuti izvona azvizotibetseri kugara anhu akanaka.

Garai no maonero ari pakati no pakati. Kana tikaringira pa supeya tokanda ndangariro dzedu pa zviya zvatisikapfariri, tingakwanisa kuora mwoyo. Patinonga tecierenga Bhaibheri, isusuwo tinodikana kugara no maonero ari pakati no pakati. Atidikani kurangarira kuti tingaita zviro zvokuti Djehovha anozviziya kuti isusu atikwanisi kuzviita.—Tig. 3:17.