Nyumba Yakakura yo Bhabheri

Mumasure me Ndambi, ana a Nowa akagara no ana akawanda. No kuhamba ke nguwa, mhuri dzawo dzakatunhudzirikawo uye akaenda koogara mu mbuto dzakawanda dze nyika hingana zvaainga abvunzwa ndi Djehovha.

Asi mhuri dzimweni adzizi kuda kuzwira Djehovha. Awona akati: ‘Ngatigare tese pano pamwepo. Ngatiwake thaundi uye nyumba yakakura inoguma kudenga. Ticagara anhu ano mbiri yakakura maningi.’

Asi Djehovha ainga asikapfariri zviya zvaainga eciita. Unoziya kuti cinyi caakazoita? Djehovha akaita kuti ciriporipoco ese atangise kureketa mireketero yakasiyana-siyana. Rangaridzai bongozozo rainga raapo, anhu ainga asikacakwanisi kupindirana uye basa re kuwaka rakaima. Ngo ndaa yazvo, thaundi irona rakatanga kuziikanwa kuti Bhabheri, zvecida kureya kuti: “Bongozozo.” Pakupedzesera, anhu akatanga kugara mu mbuto dzimweni dze pa nyika. Asi awona akarumbwa eciita zviro zvakashata. Hino zvinoda kureya kuti apana kunyazi umwe waida Djehovha here? Ngationei.