4:10-15

Ecibetserhwa na Djehovha, Mozesi akakunda kuthya kake. Tingafundei no zvakareketa Djehovha kuna Mozesi?

• Atidikani kurumbwa tecirangarira nge zviya zvatisikakwanisi kuita

• Tingagonda Djehovha kuti iyena acatipasa zviya zvatinoda kuti tiite mabasa ake

• Kutenda muna Mwari ndiko kunotibetsera kuti tisathye anhu

Mozesi pokutanga akarangarira kuti ainga asikakwanisi kuita zvaiinga akumbirhwa na Djehovha. (Eki 4:10, 13) Imwimwi makambozwawo kudaro here? Imwimwi muri kufunda Bhaibheri ne Apupuri a Djehovha here? Muri kudzibvunzisa kuti munozokwanisawo kuparidzira nyumba no nyumba here? Pamweni muri djaha rino nhedza yo kuparidzira amweni ku cikora. Kana kuti munothya kuparidzira pa thurufunu kana pa mishobo imweni yokuparidzira pakawanda anhu. Kana mecizwawo kudaro, namatai kuna Djehovha uye kumbirai mwiya mucena wake. (1Pe 4:11) Gondai henyu kuti iyena acamubetserai kuti muite basa ripi haro raanomukumbirai kuti muite.—Eki 4:11, 12.