Zvinoreyei Kutama Kugara no Dii Ratinotsigira?

Djesu akabvunza ateeri ake kuti ‘aadikani kuita dii re nyika.’ (Juau 15:19) izvi zvinobatanidza kutama kugara no dii ratinotsigira, kana kuti, kutama kugara no cikwata catinotsigira mune zvematongerhwe e nyika uye mu hondo dze nyika. Asi zve zvirokwazvo, azviripi nyore nguwa dzese kutama kugara no dii ratinotsigira. Pamweni tingashorhwa nge ndaa yazvo. Hino tingakwanisa kudini kurumbwa tisina dii ratinotsigira uye togondeka kuna Djehovha?

1. Akristu anoona kudini utongi we anhu?

Akristu anoreremedza atongi. Hino, tinoita zvakabhuyiwa na Djesu, ndiyo ndaa, ‘tinopasa Sezari zviro zva Sezari.’ Izvi zvinoreya kuti isusu tinozwira mitemo ye nyika, yakadai hingana kuripa musoho. (Marko 12:17) Bhaibheri rinofundisa kuti utongi we anhu uripo ngekuti Djehovha anoutendera. (Aroma 13:1) Ndiyo ndaa, tinozwisisa ubaba we atongi. Asi tinozwisisa kuti ubaba wawo audariki wa Mwari. Tinoziya kuti Mwari uye no Umambo wake, ndiwo basi anokwanisa kugadzirisa matambudziko e anhu.

2. Tingapangidza kudini kuti atina dii ratinotsigira?

Kuita hinga Djesu, isusu atibatanidzwi mune zvematongerhwe e nyika. Anhu paakaona zvishamiso zvakaizwa na Djesu, akaedza kumuita mambo, asi iyena aazi kutendera. (Juau 6:15) Ngei? Zvaakazobhuya zvinotipasa mhinduro yakhona: “Umambo wangu, auti dii re nyika ino.” (Juau 18:36) Ngekuti tiri ateeri a Djesu, tinopangidza kuti atina dii ratinotsigira nge mishobo yakasiyana-siyana. Ngo muezaniso, isusu atiendi ku hondo. (Erengai Mika 4:3.) Kusiya izvona, atizondi kana kutsigira cikwata cipi haco ce zve matongerhwe e nyika kana kuti munhuwo unodzipira kugara mutongi. Isusu tinoreremedza nyika yatinogara, asi atikotamiri bhandera kana kuita zviro zvakaita hingana izvi. (1 Juau 5:21) Ii ndiyona mishobo minganani yatingapangidza nayo kuti takagondeka ku Umambo wa Mwari.

FUNDAI ZVAKAWANDA

3. Akristu e zvirokwazvo aana dii raanotsigira

Djesu no ateeri ake ainga asina dii raaitsigira, uye tinodikana kuteedzera muezaniso wawo. Erengai Aroma 13:1, 5-7 uye 1 Pedru 2:13, 14. Kana mukapedza, ridzai VHIDHIYO Uye cedzai nge zve mibvunzo dzinoteera.

VHIDHIYO: AKristu e Zvirokwazvo Aapindiri Mune Zvematongerhwe e Nyika —Dii 1 (4:28)

• Ngei tinodikana kureremedza utongi we anhu?

• Ngaipi mishobo minganani yatingapangidza nayo kuti tinoazwira?

Panoitika hondo, anhu amweni anobhuya kuti aana kaanotsigira anopedzesera aakutsigira matii mairi e hondo. Asi zve zvirokwazvo kutama kugara no dii ramunotsigira zvinoreyei? Erengai Juau 17:16. Uye, ridzai VHIDHIYO pedzepo cedzai nge zve mubvunzo unoteera.

VHIDHIYO: Akristu e Zvirokwazvo Aapindiri Mune Zvematongerhwe e Nyika —Dii 2 (3:11)

• Zvinoreyei kutama kugara no dii ratinotsigira?

Tinodikana kuitei kana anyautongi ecida kuti tiite zviro zvisikaenderani no mutemo wa Mwari? Erengai Zviito 5:28, 29. Kana mukapedza, ridzai VHIDHIYO pedzepo cedzai nge zve mibvunzo dzinoteera.

VHIDHIYO: AKristu e Zvirokwazvo Aapindiri Mune Zvematongerhwe e Nyika —Dii 3 (1:18)

• Ngaupi mutemo watinodikana kuteerera?

• Munokwanisa kurangarira migariro ye zviro ingakwanisa kuita kuti mukristu asazwire utongi we anhu here?

4. Garai musina dii ramunotsigira pa marangariro uye pa zviito

Erengai 1 Juau 5:21. Kana mukapedza, ridzai VHIDHIYO pedzepo cedzai nge zve mibvunzo dzinoteera.

VHIDHIYO: Ngei AKristu e Zvirokwazvo Ecida Ushingi—Kuti Arumbwe Asina Kaanotsigira (2:49)

• Hingana zvataona mu vhidhiyo, ngei Ayenge wakasanangura kusapindira mune zvematongerhwe e nyika kana kureremedza bhandera?

• Munorangarira kuti iyena wakaita cisananguro cakanaka here?

Ngaipi migariro imweni ingakwanisa kuedza kusama kedu kugara no dii ratinotsigira? Ridzai VHIDHIYO, pedzepo cedzai nge zve mibvunzo dzinoteera.

VHIDHIYO: Fundo Dzatinogumira mu Murindiri—Rumbwai Musina Dii Ramunotsigira (5:16)

• Tingakwanisa kudini kurumbwa tisina dii ratinotsigira kana nyika yedu ikarhwisana no nyika imweni?

• Tingarumbwa kudini tisina dii ratinotsigira kana e zve matongerhwe e nyika akaita zvisananguro zvinotibata-bata?

• Zviro zvatinozwa zvecibhuiwa no anhu amweni uye mu manotisiya zvingakwanisa kudini kubata-bata kusama kedu kugara no dii ratinotsigira?

MUCIGWAGWA

Akristu anopeta masimba kuti arumbwe isina dii ranotsigira mundangariro, pakureketa uye mu zviito.

Mibvunzo yekuhwirinzira

• Tinoona kudini utongi we anhu?

• Ngei tinodikana kugara tisina dii ratinotsigira pane zvematongerhwo e nyika?

• Ngaipi migariro ingakwanisa kuedza kusama kedu kugara no dii ratinotsigira?

ZIYAI ZVAKAWANDA

Ngazvipi zvatingakwanisa kupsvetekerhwa nazvo nge kurumbwa kedu tisina dii ratinotsigira mune zvematongerhwo e nyika?

Djehovha Aazi Kubvira Atisiya (3:14)

Mhuri ingakwanisa kuitei kuti igadzirire kusongana no muedzo we kugara asina dii raanotsigira mune zvematongerhwo e nyika?

Rumbwai Musina Kamunotsigira Pamunonga Muri Pakadzara nge Anhu (4:25)

Ngei kudziirira nyika yamunogara abasapi rinoita kuti munhu akudzwe?

“Zviro Zvese Zvinobvira Kuna Mwari” (5:19)

Onai kuti mungaita kudini kuti mugare musina dii ramunotsigira pamunonga mecipsvaka basa.

“Umwe na Umwe Ucathwara Mutoro Wake” (Murindiri wa 15 ya Marso wa 2006)

Mukritsu wese unotombophikiswa kana kutambudzwa. Asi izvona zvinodikana kutishamisa here?

1. Ngei tecikarira kuti ticateererhwa?

Bhaibheri rinoreketa zvakadjeka kuti: “Ese aya anoda kurarama upenyu we kudzipira no mwoyo wese kuna Mwari mu rubatano na Kristu Djesu, acateererhwawo.” (2 Timoti 3:12) Djesu akatambudzwa ngekuti ainga asiripi wenyika ya Sathani. Isusuwo atiripi e nyika, ndiyo ndaa atishamiswi kana tecitambudzwa nge anyautongi uye nge magereja e nyika ino.—Juau 15:18, 19.

2. Tingaita kudini kuti tigare takagadzirira kuteererhwa?

Tinodikana kubambisa rugondo redu kuna Djehovha zvino. Onai nguwa yekuita munamato kaari uye kuerenga Soko rake zuwa no zuwa. Garai mecipinda misangano ye ungano. Izvi zvicamubetsera kuti murumbwe makabamba uye makashinga pamunotambudzwa kunyazi no anyaukama. Muphostori Pauro waitambudzwawo wakatara kuti: “Djehovha ndiye mubetseri wangu; andizothyi.”—Ahebheru 13:6.

Ciro cimweni cinokwanisa kutipasa ushingi kugara teciparidzira. Kuparidzira kunotifundisa kugonda Djehovha uye kutama kuthya anhu. (Zvierengo 29:25) Kana mukagara no ushingi wekuparidzira nguwa yatiri ino, mucakwanisa kuparidzira kunyazi kana anyautongi akarambidza basa redu.—1 Atesaronika 2:2.

3. Kushingirira patinotambudzwa kunotibetsera kudini?

Apana munhu unodakadzwa paanotambudzwa, asi patinoshingirira, kutenda kedu kunobamba. Kushingirira kunotikhwededzawo padhuze na Djehovha ngekuti tinonyasa kuzwa kuti ndiyena arikutibetsera paya patinorangarira kuti aticazvikwanisi. (Erengai Tiyago 1:2-4.) Djehovha anorhwadziwa paya paanotiona tecishuphika, asi anopfara akationa tecishingirira. Bhaibheri rinoti: “Kana mecishingirira matambudziko ngekuti muri kuita zvakanaka, izvona zvinopfadza Mwari.” (1 Pedru 2:20) Djehovha acapasa ese aya anoshingirira mubairo we upenyu usikaperi mu nyika inonga isina anhu anophikisa kunamata ke zvirokwazvo.—Mateu 24:13.

FUNDAI ZVAKAWANDA

4. Mungakwanisa kushingirira paya pamunophikiswa nge anyaukama

Djesu akagara areketa kuti anyaukama edu angatama kutitsigira pakunamata kedu Djehovha. Erengai Mateu 10:34-36, pedzepo cedzai nge zve mubvunzo unoteera:

• Cinyi cingaitika kana munhu umwe mu mhuri akasanangura kuseenzera Djehovha?

VHIDHIYO: Djehovha Akatitora (5:13)

• Mungaita kudini kana munhu akamubvunza kuti musiye kunamata Djehovha kunyazi munhuwo ari hama yenyu kana kuti shamwari?

Erengai Pisarema 27:10 uye Marko 10:29, 30. Mumasure mekuerenga tsamba imwe na imwe, cedzai nge zve mubvunzo unoteera:

• Gondeso ii ingamubetsera kudini pamunophikiswa no anyaukama kana shamwari?

5. Rumbwai mecinamata Djehovha kunyazi mecitambudzwa

VHIDHIYO: Kupangidza Ushingi Patinonga Tecitambudzwa (6:27)

• Cinyi camabambiswa ndico mu vhidhiyo ii?

Erengai Zviito 5:27-29 uye Ahebheru 10:24, 25. Erengai tsamba imwe na imwe, pedzepo cedzai nge zve mubvunzo unoteera:

• Ngei zvecikosha kuti tirumbwe tecinamata Djehovha kunyazi basa redu rekuparidzira kana misangano zvikarambidzwa?

6. Djehovha acamubetsera kushingirira

VHIDHIYO: Djehovha Mwari Acandibambisa (3:40)

• Mu vhidhiyo yataona, cinyi cakabetsera hama idzi kuti dzishingirire?

Erengai Aroma 8:35, 37-39 uye Afiripi 4:13. Erengai tsamba imwe na imwe, pedzepo cedzai nge zve mubvunzo unoteera:

• Tsamba idzi dzinomupasa kudini rugondo rekuti munokwanisa kushingirira muedzo upi hawo?

Erengai Mateu 5:10-12, pedzepo cedzai nge zve mubvunzo unoteera:

• Cinyi cingaita kuti mupfare pamunonga mecitambudzwa?

MUCIGWAGWA

Djehovha anokoshesa zvatinoedza kuita kuti timuseenzere kunyazi tecitambudzwa. Iyena anokwanisa kutibetsera kuti tishingirire!

Mibvunzo yekuhwirinzira

• Ngei akristu ecidikana kuetsera kuti acatambudzwa?

• Mungaitei zvinoku kuti mugare makagadzirira pamucazotambudzwa?

• Cinyi cicamubetsera kuti mugare no rugondo rekuti munokwanisa kuseenzera Djehovha kunyazi mukasongana no miedzo?

ZIYAI ZVAKAWANDA

Onai hama imweni yecidjaha yecipanganidza kuti Djehovha akamubetsera kudini payakakandwa mukaraboso nge ndaa yekusama kutsigira zvematongerhwo e nyika.

Kushingirira Kunyazi Pakutambudzwa (2:34)

Onai kuti cinyi cakabetsera mwanarume umweni no mukadzi wake kuti aseenzere Djehovha ke makore akawanda kunyazi eciphikiswa.

Kuseenzera Djehovha mu Nguwa Dzekucinja ke Zviro (7:11)

Fundai kuti mungarumbwa kudini mecishingirira pamunonga mecitambudzwa.

“Gadzirirai Zvinoku Kuzotambudzwa” (Murindiri wa Julho wa 2019)

Zvinodikana kutishamisa here kana tikatambudzwa no anyaukama edu, uye tingashingirira kudini matambudziko atinosongana nawo patinotambudzwa no anyaukama edu?

“Cokwandi Aciunzisi Runyararo, Asi Supada” (Murindiri wa Otubro wa 2017)