2. Tinganamata kudini Djehovha?

Hingana Musiki wedu, Djehovha akasisira kudzipira kedu kakadzara. (Zvakapangidzwa 4:11) Izvi zvinoreya kuti tinodikana kumuda uye kunamata iyena basi, tisikaseenzesi zvidhori, kana kuti zvipangidzo.—Erengai Isaya 42:8.

Kunamata kedu kunodikana kugara “kakacena uye kunotenderhwa” na Djehovha. (Aroma 12:1) Izvi zvinoreya kuti tinodikana kurarama maererano no mitemo yake ye unatsi. Ngo muezaniso, aya anoda Djehovha, anozwira mitemo yake yakaringana no mucato. Uye aaseenzesi miitiro inokuwadza hingana, forhya, mitombo inoraradzisa uye doro.a

3. Cengetedzai uthongo wenyu

Hinga aseenzi a Djehovha, takapikira kuseenzesa upenyu wedu kuti timuseenzere. Zvakatoita hinga kupasa mwiri wedu hingana cibairo kuna Mwari. Erengai Aroma 12:1, 2, pedzepo cedzai nge zve mibvunzo dzinoteera:

• Maererano no tsamba ii, cinyi cingamuitisa kuti mucengetedze uthongo wenyu?

• Ngaipi mishobo minganani ye kuita izvona?