Ngei Zviro Zvakashata Zveciitika uye Ngei Tecishuphika?

Panoitika tsawana, kajinji anhu anosodzibvunzisa kuti: “Ngei zviro izvi zveciitika?” Zvinopfadza mangi kuziya kuti Bhaibheri rinotipasa mhinduro ye mubvunzo uu!

1. Zviro zvakashata zvakatanga kudini mu nyika?

Sathani Dhiyabhurosi wakapandukira Djehovha. Iyena waida kutonga amweni ndiyo ndaa wakacengedzera anhu e kutanga, Adhamu na Evha kuti abatane naye pakupandukira Mwari. Sathani wakazviitisa kudini? Iyena wakanyepera Evha. (Genesi 3:1-5) Iyena wakaita kuti Evha arangarire kuti Djehovha ainga asikadi kumupasa zviro zvakanaka. Sathani wakapangidza kuti anhu angapfara kana akasazwira Mwari. Iyena wakareketa manyepo e kutanga ecinyepera Evha kuti anhu aisazofapi. Ndiyo ndaa Bhaibheri reciti Sathani “munyepi uye baba we manyepo.”—Juau 8:44.

2. Adhamu na Evha akasanangura kuitei?

Djehovha akabata zvakanaka Adhamu na Evha. Djehovha akati aikwanisa kurhya micero ye miti yese ye mu munda we Edheni kusiya muti umwe basi. (Genesi 2:15-17) Asi awona akasanangura kurhya mucero we muti uya waakarambidzwa kurhya. Evha “wakatora mucero wakhona otanga kuurhya.” Gare gare, Adhamu “wakatangawo kurhya.” (Genesi 3:6) Adhamu na Evha ainga akakwana ndiyo ndaa zvainga zvisikaanetseri kuita zvakanaka. Asi awona akasanangura kusazwira Djehovha. Paakaita izvi, awona akaita citema uye akaramba kutongwa na Mwari. Zvaakaita zvakaunzisa matambudziko akawanda kaari.—Genesi 3:16-19.

3. Zvakasanangurhwa ndi Adhamu na Evha zvakashaisha kudini upenyu wedu?

Adhamu na Evha paakaita citema, awona akagara anhu asikazi kukwana, uye izvi zvakaita kuti abararise kusakwana ku ana awo ese. Nge zva Adhamu, Bhaibheri rinoti: “Citema cakapinda mu nyika ngo ndaa yo munhu umwe basi, uye rufu rakapinda ngo ndaa yo citema, ngokudaro rufu rakabararika ku anhu ese.”—Aroma 5:12.

Hino ngei tecishuphika? Pamweni paya tinoshuphika nge ndaa ye zvisananguro zvatinoita. Nguwa dzimweni, tinoshuphika nge ndaa ye zvisananguro zvakashata zvinoizwa nge anhu amweni. Uye nguwa dzimweniwo tinoshuphika ngekuti tinonga tiri pa mbuto ne nguwa yakashata.—Erengai Muparidzi 9:11.

FUNDAI ZVAKAWANDA

4. Ndiyani anokonzera matambudziko?

Anhu akawanda anotenda kuti Mwari ndiye anotonga nyika. Kodi zvirokwazvo here? Ridzai VHIDHIYO.

VHIDHIYO: Ndiayani uri Kutonga Nyika (1:24)

Erengai Tiyago 1:13 uye 1 Juau 5:19, uye pedzepo cedzai nge zve mubvunzo unoteera:

• Mwari ndiye anokonzera matambudziko e anhu here?

5. Onai zvakaitika kubvira Sathani paakatanga kutonga

VHIDHIYO: Ngei Mwari Ecitendera Matambudziko?—Isikazi Kureba (3:07)

Erengai Genesi 3:1-6, pedzepo cedzai nge zve mibvunzo dzinoteera:

• Manyepo api akarekethwa ndi Sathani? —Onai mavherisikuro 4, 5.

• Sathani wakanyepera kudini Djehovha kuti ano zvakanaka zvaainyima anhu?

• Maererano no zvinorekethwa na Sathani, anhu anodikana kutungamirirhwa no utongi wa Djehovha kuti apfare here?

Erengai Muparidzi 8:9, uye pedzepo cedzai nge zve mubvunzo unoteera:

• Anhu arikutongana kudini paasiripi kutungamirirhwa na Djehovha?

1. Adhamu na Evha ainga ari anhu akakwana uye aigara mu Paraizo. Asi aona akateerera Sathani uye akapandukira Djehovha

2. Paakapanduka, nyika yakagara ne citema matambudziko uye rufu zvakapinda mu nyika

3. Djehovha acapedza citema, matambudziko uye rufu. Anhu acahwirirazve kugara akakwana uye kurarama mu Paraizo

6. Djehovha acapedza matambudziko edu

Kodi Djehovha anorangarira nge zve matambudziko edu here? Ngatione zvakatarhwa na Mambo Dhavhidhi uye no muphostori Pedru. Erengai Pisarema 31:7 uye 1 Pedru 5:7, pedzepo cedzai nge zve mubvunzo unoteera:

• Munozwa kudini ngo kuziya kuti Djehovha anorangarira nge zve matambudziko edu?

MUCIGWAGWA

Sathani Dhiyabhurosi no anhu airi e kutanga ndiwo akakonzera zviro zvakashata zviri pa nyika. Djehovha anotirangarira maningi, uye nokukasika acapedza kushuphika kese.

Mibvunzo yekuhwirinzira

• Sathani wakareketa manyepo api kuna Evha?

• Kupanduka ka Adhamu na Evha kakashaisha kudini upenyu wedu?

• Tinozviziya kudini kuti Mwari anorhwadziwa patinoshuphika?

ZIYAI ZVAKAWANDA

Cinyi cinozwi citema? Onai mhinduro mu Bhaibheri.

“Cinyi cinozwi citema?” (Fundo ye mu saite)

Erengai zvakawanda zvakaringana no mubvunzo wakaizwa ndi Sathani Dhiyabhurosi mu munda we Edheni.

“Nei Mwari Achibvumira Kutambura?” (Murindiri wa 1 ya Mavhiza wa 2014, mu ciShona)

Onai mhinduro ye mubvunzo unopandisa musoro.

“Ngei Adjudha Akauraiwa ne Utongi we a Nazi? Ngei Mwari Asikazi Kupindira?” (Fundo ye mu saite)

Onai kuti mwanarume umweni wakafundei nge zve matambudziko aainga eciona eciitika.

Andicazwi Ndiri Ndega (5:09)

Isusu tinoshaisha, tinoshuphika uye tinofa nge ndaa yekuti Adhamu na Evha aazi kuzwira Mwari.a Asi azvesepi zvakapsveteka. Djehovha akatuma Mwana wake Djesu Kristu kuti atisudzunure pa citema no rufu. Bhaibheri rinofundisa kuti no rufu rake, Djesu akaripa rusudzunuro. Rusudzunuro mutengo unoriphwa kuti munhu asudzunurhwe. Mutengo wakariphwa ndi Djesu i upenyu wake wakakwana. (Erengai Mateu 20:28.) Djesu akafungura nyara ye cintenderhwa cake cekurarama nokusikaperi pa nyika. Ngo kudaro, ayena akafunungura gwanza kuitira kuti isusu tikwanise kuona zvese zvakaruzwa na Adhamu na Evha. Rufu ra Djesu rakapangidzirawo kuti Djehovha anotida. Fundo ino icamubetsera kuti muthunhudzire kutenda kenyu nge cibairo ca Djesu.

1. Rufu ra Djesu rinotibetsera kudini nyamasi uno?

Tiri ashaishi, ndiyo ndaa tinoita zviro zvakawanda zvisikapfadzi Djehovha. Asi nge ndaa yezvatakaizirhwa na Djesu, tinokwanisa kurekererhwa zvitema. Kuti zvidaro, tinodikana kucinyuka zvezvirokwazvo, tokumbira rurekerero kuna Djehovha nge muzina ra Djesu uye topeta masimba kuti tisaphindezve kuita zvishaishi zvimwe-zvimwezvo. Kana tikadaro, ticagara no ushamwari wakabamba na Djehovha. (1 Juau 2:1) Bhaibheri rinoti: “Kristu akafira zvitema kamwe basi nokusikaperi, ayena munhu munatsi kuitira anatsi, kuti amutungamirirei kuna Mwari.”—1 Pedru 3:18.

2. Rufu ra Djesu ringatibetsera kudini mune ramangwana?

Djehovha akatuma Mwana wake kuti apase upenyu wake wakakwana “kuitira kuti munhu wese anotenda muna [Jesus] asaparadzwe, asi aone upenyu usikaperi.” (Juau 3:16) Ngo ndaa ye cibairo ca Djesu, Djehovha acapedza zviro zvese zvakashata zvinoitika nge ndaa ye kushaisha kakaita Adhamu. Izvi zvinoreya kuti kana tikatenda mucibairo ca Djesu, ticagara no mukana wekurarama nokusikaperi mu Paraizo!—Isaya 65:21-23.

FUNDAI ZVAKAWANDA

3. Cibairo ca Djesu cinotisudzunura pa citema no rufu

VHIDHIYO: Ngei Djesu Akafa?—Dii 1 (2:01)

• Mukana upi wakaruzwa ndi Adhamu paasikazi kuzwira Mwari?

Erengai Aroma 5:12, pedzepo cedzai nge zve mubvunzo unoteera:

• Citema ca Adhamu cakabatabata kudini upenyu wedu?

Erengai Juau 3:16, pedzepo cedzai nge zve mubvunzo unteera:

• Ngei Djehovha akatuma Mwana wake pa nyika?

1. Adhamu wainga ari munhu wakakwana, asi nge ndaa ye kusama kuzwa kake kakaita kuti anhu ese agare no citema uye afe

2. Djesu ainga ari munhu akakwana, asi nge ndaa ye kupurutana kake, anhu ese angagara no upenyu wakakwana uye kurarama nokusikaperi

4. Rufu ra Djesu ringakwanisa kubetsera anhu ese

VHIDHIYO: Ngei Djesu Akafa?—Dii 2 (2:00)

• Rufu re munhu umwe basi ringabetsera kudini anhu ese?

Erengai 1 Timoti 2:5, 6, pedzepo cedzai nge zve mubvunzo unoteera:

• Adhamu wainga ari munhu usina citema, asi paakazoita citema zvakaita kuti anhu ese agarewo no citema uye afe. Djesu aingawo munhu akakwana. Ayena akagara “musudzunuri akaezana” katiri tese nge gwanza ripi?

5. Rusudzunuro cipo ca Djehovha kamuri

Ku shamwari dza Djehovha, rusudzunuro cipo cakanakisisa maningi. Ngo muezaniso, erengai Agaratiya 2:20, pedzepo cedzai nge zve mubvunzo unoteera:

• Muphostori Pauro wakapangidza kudini kuti waiona rusudzunuro hingana cipo ca Mwari kaari?

Adhamu paakaita citema, iyena no anhu ese akateera sure kake akatongerhwa rufu. Asi Djehovha akapasa upenyu we Mwana wake kuitira kuti imwimwi muone mukana we kurarama nokusikaperi.

Paakaita kudaro, rangarirai kuti Djehovha akazwa kudini paakaona Mwana wake ecishuphika. Erengai Juau 19:1-7, 16-18, pedzepo cedzai nge zve mubvunzo unoteera:

• Munozwa kudini nge zvamakaizirhwa na Djehovha uye na Djesu?

MUCIGWAGWA

Ngo ndaa ye rufu ra Djesu, Djehovha angatirekerera zvitema zvedu. Rufu ra Djesu, rinotipasawo mukana we kurarama nokusikaperi.

Mibvunzo yekuhwirinzira

• Ngei Djesu akafa?

• Upenyu wa Djesu wakakwana ungagara kudini rusudzunuro rakaezana ku anhu ese?

• Rufu ra Djesu ringamubetsera kudini?

ZIYAI ZVAKAWANDA

Fundai kuti ngei upenyu wakakwana wa Djesu unodainzwa kuti rusudzunuro.

“Chibayiro chaJesu ‘Chinodzikinura Sei Vazhinji’?” (Fundo ye mu saite, mu ciShona)

Onai kuti tinodikana kuitei kuti tiponeswe.

“Djesu Anoponesa Kudini” (Fundo ye mu saite)

Kodi Djehovha anorekerera zvitema zvakakura here?

“Mibvunzo ye Bhaibheri Inodairhwa” (Murindiri wa 1 ya Mauwe wa 2013)

Onai kuti mwanarume umweni wairhwisana nokuedzurira zviro zvakashata zvekare, wakabetserhwa kudini ngekufunda nge zve rusudzunuro ra Djesu.

“Handichafariri Zvekurwa” (Fundo ye mu saiti)