Apupuri a Djehovha Akristu e Cokwadi Here?

Isusu Apupuri a Djehovha, tinotenda kuti tiri aKristu e cokwadi. Ngei tecireketa kudaro? Onai kuti tinotorera papi zvatinotenda, moonawo mapangidziro atinoita rudo.

1. Apupuri a Djehovha anowakira kutenda kawo pa cinyi?

Djesu akati: “Soko ra [Mwari] i cokwadi.” (Juau 17:17) Hinga Djesu, Apupuri a Djehovha anowakira kutenda kawo mu Soko ra Mwari nguwa dzese. Onai kakabva sangano redu re mazuwa ano. Mukupera ke zana re makore 1800, cikwata ce afundi e Bhaibheri cakanyasa kukwarakwatisa Bhaibheri. Awona akawakira kutenda kawo pa zviro zvaraibhuya, kunyazi izvona pezvaisiyana no zvaifundiswa no magereja amweni. Akatanga kureketa no anhu amweni zvaaifunda mu Bhaibheri.a

2. Ngei teciti tiri Apupuri a Djehovha?

Djehovha anodainza anamati ake kuti Apupuri ake ngekuti awona anoreketa zvirokwazvo nge zvake. (Ahebheru 11:4–12:1) Ngo muezaniso, mu nguwa yekare, Mwari akabvunza anhu ake eciti: “Imwimwi ndimwi apupuri angu.” (Erengai Isaya 43:10.) Djesu anozwi “Mupupuri Akagondeka.” (Zvakapangidzwa 1:5) Ngo kudaro, muna 1931 takasanangura zina rokuti Apupuri a Djehovha.

3. Apupuri a Djehovha anoteedzera kudini Djesu pakupangidza rudo?

Djesu aida afundi ake, zvekuti aiaona hingana mhuri yake. (Erengai Marko 3:35.) Ndizvo zvinoizwa ne Apupuri a Djehovha. Ndiyo ndaa tecidainzana hama no hanzvadzi. (Firimoni 1, 2) Uye tinotondowedzawo mutemo unoti: “Idai sangano rese re hama.” (1 Pedru 2:17) Apupuri a Djehovha anopangidza rudo irona nge mishobo yakasiyana-siyana, hinga paanobetsera hama dzedu dze pasi rese mu nguwa dzinonetsa.

FUNDAI ZVAKAWANDA

4. Zvatinotenda zvinobva mu Bhaibheri

Djehovha akagara akareketa kuti cokwadi ce Bhaibheri caizodjeka. Erengai Dhanyeri 12:4 ne masoko e pasi, pedzepo cedzai nge zve mubvunzo unoteera:

• Cinyi cakazwi “caizowanda” pakati pe anhu a Mwari paaizorumbwa eciongorora Bhaibheri?

Onai kuti cikwata ce Afundi e Bhaibheri kutobatanidzawo Charles Russell, akafunda kudini Bhaibheri. Ridzai VHIDHIYO, pedzepo cedzai nge mubvunzo unoteera.

VHIDHIYO: Kuonazve Cokwadi (7:45)

• Charles Russell no amweni ake aiita kudini paaifunda Bhaibheri?

Maizviziya here?

Nguwa dzimweni, tinosogadzirisa mazwisisiro atinoita mavherisikuro amweni e Bhaibheri. Ngei tecidaro? Kuita hingana zuwa rinodjeka padoko no padoko, Mwari anodjekesawo kuzwisisa kunoizwa Soko rake padoko no padoko. (Erengai Zvierengo 4:18.) Kunyazi Bhaibheri risikacinji, patinonyasa kuzwisisa mavherisikuro amweni, tinobva tagadzirisawo zvatinofundisa.

5. Tinorarama maererano no zina redu

VHIDHIYO: Zina Rinopanganidza Zvatiri (2:40)

• Ngei zina rekuti Apupuri a Djehovha rakasisira?

Ngei Djehovha akasanangura anhu kuti agare apupuri ake? Awona aizomuziisa hinga Mwari we cokwadi ngekuti pakarekethwa manyepo akawanda nge zvake. Ngatione manyepo amweni akhona.

Magereja amweni anofundisa kuti anhu anodikana kuseenzesa mifanikiso pakunamata Mwari. Asi erengai Revhitiko 26:1, pedzepo cedzai nge zve mubvunzo unoteera:

• Cokwadi ngacipi, Djehovha anoona kudini mifanikiso?

Atungamiriri amweni e magereja anofundisa kuti Djesu ndi Mwari. Asi kuti muone cokwadi, erengai Juau 20:17, pedzepo cedzai nge mibvunzo dzinoteera:

• Cokwadi ngacipi? Mwari na Djesu munhu umwewo here?

• Munozwa kudini nge kutuma kakaita Djehovha Apupuri ake kuti aparidzire cokwadi nge zvake uye nge zve Mwana wake?

6. Tinodanana

Bhaibheri rinoezanisa Akristu no nhengo dzakasiyana dze mwiri we munhu. Erengai 1 Akorinti 12:25, 26, pedzepo cedzai nge zve mibvunzo dzinoteera:

• Akristu e cokwadi anodikana kuitei Akristu amweni paanosongana no matambudziko?

• Maonei nge zve rudo riri pakati pe Apupuri a Djehovha?

Apupuri a Djehovha paanosongana no matambudziko ku nyika imweni, amweni awo pasi rese anokasika kuabetsera. Kuti muone muezaniso umwe, ridzai VHIDHIYO. Pedzepo cedzai nge zve mubvunzo unoteera.

VHIDHIYO: Haiti Yakabatana ne Furacão Hurricane Matthew (5:29)

• Kubetserana kunoita Apupuri panomuka ngozi kunopangidza kudini kuti ano rudo?

MUCIGWAGWA

Apupuri a Djehovha Akristu e zvirokwazvo. Tiri mhuri yakabatana pasi rese, tinotora zvatinotenda mu Bhaibheri uye tinofundisa cokwadi nge zva Djehovha.

Mibvunzo yekuhwirinzira

• Ngei takatanga kuseenzesa zina rekuti Apupuri a Djehovha?

• Tinobata kudini hama dzedu dzatinonamata nadzo?

• Munorangarira kuti Apupuri a Djehovha Akristu e cokwadi here?

ZIYAI ZVAKAWANDA

Fundai zvakawanda nge zve ngano ye sangano redu.

Testemunhas de Jeová—Fé em ação, Parte 1: da escuridão para a luz (1:0:53)

Onai muezaniso unopangidza kuti Apupuri a Djehovha akabudisa kudini pamhene fundiso dzekunyepa.

Anhu a Mwari Anokudza Zina Rake (7:08)

Gumirai mhinduro ye mibvunzo yamunayo yakaringana nge zve Apupuri a Djehovha.

“Mibvunzo Inonyaya Kubvunziswa Pamusoro pe Apupuri a Djehovha”(fundo ye mu site, mu ciShona)

Stephen waizonda anhu asiripi e dzinza rake. Psvakai kuziya kuti cinyi cakamubetsera kuti acinje.

“Upenyu Wangu Waibva Pakushata Ucienda Pakushatisisa” (Murindiri, wa 1 ya Julho wa 2015)