• Bhaibheri Ringamubetsera Kudini?
    Pfadzwai ne Upenyu Nokusikaperi!—Kursu ye Bhaibheri
    • Fundo 1. Bhaibheri rakafunguka.

      FUNDO 01

      Bhaibheri Ringamubetsera Kudini?

      Tese isusu tino mibvunzo yakaringana ne upenyu, kushuphika, rufu uye nge zve ramangwana. Uye tinonetsekawo nge zve zuwa ne zuwa, zvakaita hingana zve kudziriritira nazvo, uye kugara no mhuri inopfara. Anhu akawanda anoona kuti Bhaibheri aribetseri basi pa kudaira mibvunzo mikuru ye upenyu, asiwo rinopasa mazano anobetsera mu upenyu. Imwimwi munoona kuti Bhaibheri, ringabetsera munhu wamunoziawo here?

      1. Mibvunzo dzipi dzinodairhwa ne Bhaibheri?

      Bhaibheri rinodaira mibvunzo idzi dzinokosha: Upenyu wakatanga kudini? Ngacipi cinangwa ce upenyu? Ngei anhu asina ndaa ecishuphika? Cinyi cinoitika munhu paanofa? Kana munhu wese ecida runyararo, ngei keciitika hondo? Cinyi cicaitika ne nyika ino mune ramangwana? Bhaibheri rinotikohomedzesa kuti tipsvake mhinduro dze mibvunzo idzi, uye anhu akawanda akagumira mhinduro dzinopfadza.

      2. Bhaibheri ringatibetsera kudini kuti tipfare mu upenyu wedu we zuwa ne zuwa?

      Bhaibheri rinotipa mazano akanaka. Nge muezaniso, irona rinofundisa kuti mhuri dzingapfara kudini. Rinopasa mazano anocokuita patinosongana ne zviro zvinopisisa musoro, uye kupfadzwa katingaita ne basa redu. Imwimwi mucafunda zvinofundiswa ne Bhaibheri zvakaringana ne misoro ii uye ne zvimweniwo, paticacedza tiri tese pamwepo. Imwimwi mungakwanisa kuzotenderawo kuti “Matarhwa ese . . . anobetsera.”—2 Timoti 3:16.

      Bhuku iri aricinji Bhaibheri. Asi ricamubetsera kuti muongorore Bhaibheri imwimwi pacenyu. Ndiyo ndaa tinomukohomedzesa kuti muerenge tsamba dziri mufundo uye dziezanisei ne zviya zvamuri kufunda.

      FUNDAI ZVAKAWANDA

      Onai kuti Bhaibheri rakabetsera kudini anhu akawanda, ngazvipi zvamungaita kuti mupfarire kurierenga, uye ngei zvakanaka kuona rubetso kuti murizwisise.

      3. Bhaibheri rinokwanisa kutitungamirira

      Bhaibheri rakaita hingana ruvheneko rine simba. Tingaseenzesa Bhaibheri kuti ritibetsere patinosanangura zvokuita, uye kutibetsera kuona zviro zviri mberi.

      Erengai Pisarema 119:​105, pedzepo cedzai nge zve mibvunzo dzinoteera:

      • Mutari we Pisarema iri, waiona kudini Bhaibheri?

      • Munoonawo kudini Bhaibheri?

      Mwanarume ecihamba pamuceto pe mapuwe ne bahari, ecitunga gwanza rake ne thoci.

      4. Bhaibheri ringadaira mibvunzo yedu

      Mwanakadzi umweni wakaona kuti Bhaibheri rakapa mhinduro dze mibvunzo dzaainga anadzo ke makore akawanda. Ridzai VHIDHIYO, pedzepo cedzai nge zve mibvunzo dzinoteera.

      VHIDHIYO: Musamboruze Kariro! (1:48)

      • Mwanakadzi wataona mu vhidhiyo wainga ano mibvunzo dzipi?

      • Iyena wakabetserhwa kudini nge kufunda Bhaibheri?

      Bhaibheri rinotikohomedzesa kuti tiite mibvunzo. Erengai Mateu 7:​7, pedzepo cedzai zvinoteera:

      • Mibvunzo dzipi dzamunadzo, dzamunoda kuti Bhaibheri ridaire?

      5. Mungakwanisa kupfara nge kuerenga Bhaibheri

      Anhu ajinji arikupfara nge kuerenga Bhaibheri uye arikubetserhwa ndirona. Ridzai VHIDHIYO, pedzepo cedzai nge zve mibvunzo dzinoteera.

      VHIDHIYO: Kuerenga Bhaibheri (2:05)

      • Mu vhidhiyo yetaona, madjaha akazwa kudini nge kuerenga Bhaibheri?

      • Ngei ano maonero akasiyana-siyana nge zve kuerenga Bhaibheri?

      Bhaibheri rinoti rinokwanisa kutipa nhungamiriro inotinyaradza uye rinotipa kariro. Erengai Aroma 15:​4, pedzepo cedzai nge zve mubvunzo unoteera:

      • Zvipikirhwa zve Bhaibheri uye kariro zvinomupfadza here?

      6. Amweni angatibetsera kuti tizwisise Bhaibheri

      Pa kutunhudzira kuerenga Bhaibheri ke munhu ega, anhu ajinji akaona kuti kucedza ne amweni kunobetsera. Erengai Zviito 8:​26-​31, pedzepo cedzai nge zve mubvunzo unoteera:

      Collage: 1. Mu vhangeri Firipi ecipanganidza Matarhwa ku mwanarume we ku Etiopiya. 2. Umwe mu Mupupuri wa Djehovha ecicedza Bhaibheri na mai ano ana awo airi.

      Mwanarume we ku Etiopiya waida rubetso rokuti anyase kuzwisisa Matarhwa. Anhu akawanda nyamasi anoona zvecibetsera kucedza nge zve Bhaibheri ne amweni

      ANHU AMWENI ANOTI: “Kufunda Bhaibheri kupedza nguwa.”

      • Imwimwi munotiwo kudini? Ngei?

      MUCIGWAGWA

      Bhaibheri rinopa mazano anobetsera e zuwa ne zuwa, mibvunzo mikuru ye upenyu, uye rinonyaradza ne kupa kariro anhu.

      Mibvunzo yekuhwirinzira

      • Mazano api atingagumira mu Bhaibheri?

      • Mibvunzo ipizve inodairhwa ne Bhaibheri?

      • Cinyi camungada kufunda kubva mu Bhaibheri?

      Edzai kuita zvinoteera

      ZIYAI ZVAKAWANDA

      Onai kuti mazano ari mu Bhaibheri angatibetsera kudini mazuwa ano.

      “Zvinofundiswa ne Bhaibheri—Zvinobetsera” (Murindiri N.° 1 2018)

      Onai kuti Bhaibheri rakabetsera kudini mwanarume wainga ecineseka nge mazwire ake kubvira aciri mwana mudoko.

      Mushobo Wakatanga Upenyu Wangu Upsva Unopfadza (2:​53)

      Ongororai mazano anoseenza e Bhaibheri ku upenyu we mhuri.

      “Zviro 12 Zviri Kubetsera Mhuri kuti Dzipfare” (Mukai! N.° 2 2018)

      Bhaibheri rinogadzirisa marangariro ano anhu akawanda yakaringana ne zve kuti ndiyani arikutonga nyika ino.

      Ngei Mecidikana Kufunda Bhaibheri?​​—Vhidhiyo Yakareba (3:​14)

  • Bhaibheri I Soko ra Mwari Katiri
    Pfadzwai ne Upenyu Nokusikaperi!—Kursu ye Bhaibheri

    • 1. Ngei zvecizwi Bhaibheri rakabva kuna Mwari, kunyazi irona rakatarhwa nge anhu?

      Bhaibheri rakatarhwa nge anhu anokwana 40 mu makore 1 600, kutanga mu gore ra 1513 K.A.A. dakara mu gore ra 98 K.A. Uye atari aya aibva ku mbuto dzakasiyana-siyana. Kunyazi rakatarhwa nge anhu akasiyana-siyana, masoko aro anopindirana. Izvi zvinobvira kudini? Nge kuti Mwari ndiye Muridzi we Bhaibheri. (Erengai 1 Atesaronika 2:​13.) Atari aazi kutara nzero dzawo. Asi, awona “akareketa zvecibva kuna Mwari, ecitungamirirhwa no mwiya mucena.”a (2 Pedru 1:​21) Mwari akaseenzesa mwiya mucena wake kuti afemere anhu kuti atare nzero dzake.​—2 Timoti 3:​16.