Maitiro Enyu Angabaya Mwoyo ye Anhu

Akadzi anogara atendi kajinji anosotora amuna awo kuti auye mu cokwadi ngo ndaa yo maitiro awo e ciKristu. Asi, izvi zvingakwanisa kugara dambudziko ke makore akawanda. (1Pe 2:21-23; 3:1, 2) Kana imwimwi muri kushuphika musikatozvisisiri, rumbwai mecinyisa kushaishirwa kenyu no unaki. (Aro 12:21) Muezaniso wenyu ungakwanisa kuita zvakawanda zvokuti masoko ega aangakwanisi kuzviita.

Edzai kuona shwiro dze pa nyumba penyu nge maonero e uya wamakawakana naye. (Afi 2:3, 4) Pangidzai kuti muri munhu unozwisira uye kuti muno usisi, itaiwo zvese zvamunokwanisa kuti mureremedze ubaba wake. Garai munhu unonyasa kupurutana. (Tg 1:19) Garai munhu unononoka kutsamwa uye mugondesei kuti munomuda. Kunyazi wamakawakana naye akatama kumupangidzirai unaki uye rureremedzo, garai makagonda kuti Djehovha ari kuona kutendeka kenyu.—1Pe 2:19, 20.

ONAI VHIDHIYO YAKAZWI JEHOVHA ANOTIPA SIMBA REKUTAKURA MUTORO WEDU, UYE PEDZEPO DAIRAI MIBVUNZO INOTEERA:

• Upenyu wa Grace Li wainga wakaita maitirei kubvira paakacata?

• Cinyi cakaita kuti ayena apinde mu cokwadi?

• Hanzvadzi Li yakashingirira kudini pa miedzo pasure pokubhabhatidzwa?

• Hanzvadzi Li yakanamata yecitii nge pamusoro pe mwamuna wayo?

• Ngeapi makomborero akatambira hanzvadzi Li nge ndaa ye maitiro ayo akacena uye rureremedzo rukuru raaipangidza?