KURARAMA KE CIKRISTU
Mwamuna no Mukadzi Angaitei kuti Abambise Mucato Wawo?
Abrahamu na Sara ndi muezaniso wakanaka we kazado yaidanana uye yaireremedzana. (Ge 12:11-13; 1Pe 3:6) Kunyazi zvakadaro, mucato wawo wainga usiripi wakakwana, uye awona akabatanawo no matambudziko. Kazado dzingafundei no muezaniso wa Abrahamu na Sara?
Kucedzesana kunobetsera maningi. Mwamuna kana mukadzi wenyu akareketa masoko anorwadza pa nguwa yaanonga akanyangadzwa, musamuhwirinzire. (Ge 16:5, 6) Torai nguwa muri mwese. Pangidzai kuti munoda mukadzi kana mwamuna wenyu nge masoko uye zviito. Kupinda zvese, kandai Djehovha mu mucato menyu ngo kufunda, kunamata uye kusenzera mwese Djehovha. (Mup 4:12) Mucato wakabamba unokudza Djehovha, Musiki we mucato.
ONAI VHIDHIYO YAKAZWI ZVAMUNGAITA KUTI MUSIMBISE WANANO YENYU, PEDZEPO DAIRAI MIBVUNZO INOTEERA:
Cinyi caiitika mu mucato wa Shaan na Kiara?
Ngei kucedzesana kunobetsera maningi mu mucato?
Muezaniso wa Abrahamu na Sara wakabetsera kudini Shaan na Kiara?
Shaan na Kiara akaitei kuti abambise mucato wawo?
Ngei mwamuna no mukadzi aadikani kuimira kuti mucato wawo ugare wakakwana?
Imwimwi mungakwanisa kubambisa mucato wenyu!