Ngazvipi Zvamungafunda no AKristu Aano Nguwa Eciseenzera Djehovha?

Mu ungano dzatinopindira muno hama no hanzvadzi dzaano makore akawanda dzeciseenzera Djehovha. Isusu tingakwanisa kufunda zvakawanda no rugondo raanaro kuna Djehovha. Tingakwanisa kuabvunzisa nge zve ngano ye sangano ra Djehovha uye nge zve matambudziko aakabatana nawo no mushobo waakabetserhwa na Djehovha kuti akwanise kuakunda. Zvakanaka maningi kuti tipike hama kana hanzvadzi yaano nguwa yeciseenzera Djehovha kuti iuye kooita naisusu Kunamata ke Mhuri uye kuti itipanganidzire zvaakararama.

Kana muri muKristu waano makore akawanda meciseenzera Djehovha, izwai makasununguka kuti mubvunzewo madjaha nge zve mushobo wamakabetserhwa na Djehovha. Djakobo na Zuzee akabvunzawo ana awo nge zviya zvaakaizirhwa na Djehovha. (Ge 48:21, 22; 50:24, 25) Djehovha akazobvunza misoro ye mhuri kuti afundise ana awo nge pamusoro pe zviito zvake zve simba. (Dhe 4:9, 10; Pis 78:4-7) Mazuwa ano, madzibaba no amweniwo mu ungano angakwanisa kubvundzawo madjaha nge pamusoro pe zviito zvinoshamisa zvaakaona zveciizwa na Djehovha eciseenzesa sangano rake.

ONAI VHIDHIYO YAKAZWI KURAMBA VAKABATANA KUNYANGE PAVAIRAMBIDZWA KUITA BASA, UYE PEDZEPO DAIRAI MIBVUNZO INOTEERA:

• Bheteri re ku Áustria rakabetsera kudini hama dze ku nyika dzimweni dzainga dzakarambidzwa basa redu?

• Hama dze ku nyika idzona dzakaitei kuti dzirumbwe dzino kutenda kakabamba?

• Ngei aparidzi akawanda e ku Romênia akaparadzana no sangano ra Djehovha, uye akazohwirirazve kudini?

• Vhidhiyo ii yabambisa kudini kutenda kenyu?