Dziirirai Mucato Wenyu

Kuna Djehovha mucato ciro cinodikanwa maningi uye anoda kuti mwamuna no mukadzi adzadzise zvaakapikira. (Mt 19:5, 6) Makazado akawanda mu sangano ra Djehovha ano mucato unopfadza. Asi, akuna mucato wakakwana, uye zviri nyore kubatana no matambudziko. Mu nyika ino, zviri nyore kuti akawanda arangarire kuti kusiyana kuri nani kana kuti kurambana ndiwo mutombo we kupedza matambudziko e mucato. Asi isusu atidikani kurangarira kudaro. Makazado e ciKristu angadziirira kudini mucato wawo?

Onai zviro zvishanu zvingamubetserai.

1. Dziirirai mwoyo yenyu ngo kusasirira uye kusaona zviro zvisikazi kucena, ngokuti izvi azvibambisi mucato wenyu.—Mt 5:28; 2Pe 2:14.

2. Bambisai ushamwari wenyu na Djehovha, uye petai masimba kuti mugare no mucato unomupfadza.—Pis 97:10.

3. Rumbwai mecisakurira kugara no mawara akanaka, uye rangarirai zvamungaita kuti mupfadze mwamuna wenyu kana kuti mukadzi wenyu.—Ako 3:8-10, 12-14.

4. Garai no kucedzesana kuri pamhene, uye reketai no rureremedzo.—Ako 4:6.

5. Pasai wamakawakana naye zvakamusisira no rudo.—1Ako 7:3, 4; 10:24.

Patinoreremedza mucato, tinonga tecitoreremedzawo Musiki we mucato, Djehovha.

ONAI VHIDHIYO YAKAZWI “NGATIGOGOME TECISHINGIRIRA”—TONDOEDZAI MITEMO YO MAKWIKWI E KUGOGOMA, PEDZEPO DAIRAI MIBVUNZO INOTEERA:

• 

  Kunyazi mucato ukatanga zvakanaka, zvinetso zvipi zvingazomuka?

• 

  Mazano e mu Bhaibheri angamubetsera kudini pamunoona hinga kuti rudo rapera mu mucato wenyu?

• 

  Djehovha akapasa nhungamiriro dzipi dzinocokuita no mucato?

• Munodikana kuitei kuti mugare no mupfaro mu mucato?