KURARAMA KE CIKRISTU
Magungano e Gore—Mukana we Kupangidza Rudo
Ngei ticipfara maningi pa magungano edu e gore? Hinga mitambo yo Aisraeri, magungano edu nyamasi anotipasa mukana we kunamata Djehovha pamwepo no mazana, kana kuti zviuru zve hama dzedu. Tinopfara maningi no zvekurhya zvekunamata zvatinopaswa na Djehovha pa zviitiko izvi. Uye I nguwa yakanaka maningi ye kugara pamwepo no hama uye shamwari dzedu. Tinoita zviri zvese kuti tioneke tiripo pa gungano ke mazuwa matatu kuti tipangidze kutenda kedu Djehovha.
Tinodikana kupangidza rudo patinonga takaungana no hama dzedu, haiwa kurangarira nge zvedu basi. (Aga 6:10; Ahe 10:24, 25) Patinofunungurira musuwo kuti hama no hanzvadzi dzipinde kana kuti patinobata mbuto ye kugara yakatikwanira, tinonga tecikanda zvido zvo amweni mberi ke zvido zvedu. (Afi 2:3, 4) Pa gungano, tinomukana we kuita shamwari dzipsva. Tingacedzawo no hama dzatisikazii maprograma asati atanga uye aa apera kana kuti pa nguwa yekuzorora. (2Ako 6:13) Ushamwari waticaita no hama dze mbuto dzimweni pa gungano ungagara nokusikaperi! Uye, anhu amweni asikaseenzeri Djehovha paanoona rudo re zvirokwazvo riri pakati pedu, awona angazodawo kufunda uye kuseenzera Djehovha.—Ju 13:35.
ONAI VHIDHIYO YAKAZWI GUNGANO RE NYIKA DZAKAWANDA “RUDO ARIMBOPERI”!, PEDZEPO DAIRAI MIBVUNZO INOTEERA:
Hama dzakapangidza kudini rudo ku hama dzenyika dzimweni dzainga dziri pa gungano re nyika dzakawanda ra 2019?
Ngei rudo uye kubatana ke anhu a Djehovha kunoshamisa?
Ngazvipi zvabhuiwa no hama dzimweni dze Dare Rinotungamirira nge zve rudo riri pakati pe aKristu?
Mungapangidzawo kudini rudo pamunonga muri pa gungano?
Rudo re ciKristu rakabatanidza kudini hama dzedu dze ku Alemanha no dze Coreia do Sul?
Isusu tinodikana kushinga kuitei?